Qeybtii 5aad Hayaanka Puntland & Habraaca Beelaha. W/Q Xaamud Maxamed Dala-aan

HAYAANKA PUNTLAND IYO HABRAACA BEELAHA QAYBTII 5AAD
XAAMUD MAXAMED DALA AAN
Karzay3@ gmail.com
Luulyo 23 2012

Mustaqbalka maxaan u baahanahay siyaan u gaarno hadfkeena ?

Waxaan rabaa inaan halkaan idinkula wadaago akhristayaal iyo dhamaan inta qoraalgaygu gaaro

Aragtiadayda ku aadan sida puntland uga guuri karto habraaca beelaha oo ragaadiayay amaanka dhaqaalaha puntland.

Ugu horayna waxaa lama huraan ah in aan wada garowsano shacab iyo dowlad in jiritaanka puntland uu lama huraan u yahay cidkasta oo ku nool puntland u dhashay ku dhashay ama dagan sidaas dartee waa waajib in qofkasta uu doorkiis u qaato si hagar la aan ah si aan u gaarno hadafkeen iyo himildeen dowladnimo.

Waa in odayaasha beeluh gartaan danta guud ayna ka guuraan danta beesha ay markaas horjoogaha u yihiin

Waa in dhamaan xubnaha beelaha lagu saleeyaa yaa diyaar u ah inuu badbaadiyo midnimada iyo wada jirka puntland aqoon ahaan iyo awood ahanba

Waa in nidaamka axsaabta badan laga dhowraa qabyaalada iyo qolaysiga

Waa in xukunku noqdaa mid loo simayahay oo muwaadinkastaa oo puntlander ahi u tartamaa si furan uuna codka shacabka u waydiistaa iyadoon loo eegayn qabiilkiisa iyo gobolka uu ka soo jeedo

Dowladu waa in habka shaqaalayta ay ku salaysaa mid cadaalad ah lagan dheeraadaa garabeeshinka oo ah mid hareeyay una tusay qofkasta inuusan qabiil la aan meel gaari Karin arintaas oo ah arin aad khatar ugu ah dowladnimada hadaan dhakhso wax looga qaban waana in xafiisyada dowladu qofka ku xushaan aqoontiisa iyo kartidiisa iyo siyaasad ahaan inuu aaminsanyahay wadajirka puntland

Waa in warbaahinta la tayeeyo lana gaarsiiyo mid heer caalami ah si dadku u helaan wararka saxdaa ee ka tarjumaaya aayohooda dad iyo dal ahaaneed

Waa in la sugaa xuduudaha dalka dhamaan uu gaar adeeg dowligaa.

Waa in la helaa boolis tayo leh oo ugu guta waajibaadkiis si waafaqsan nidaamka dalka ilaaliyana shucruucda iyo qawaaniinta dalka.

Ciidanka waa in loo helaa adeeg caafimaad mushahaar qalab iyo gaadiid ku filan

Waa in dowladu xil gaar ah iska saartaa amaanka gobolada xiga Xuduudaha sida mudug,sool,sanaag,iyo cayn.

Waa in dowladu ku tashataa dhaqaaleheed ayna u qaabaysaa dalka horumar gaara dhamaan gobolada waa kaabayaasha dhaqaalah xooga la saaro si loo helo ilo dhaqaale iyo adeeg gaar dalka .

Madaxda dalku waa inay u dhaqmaan si ka hufan qabiil iyo qabyaalad ahaadaan xubno qaran kuwaas oo tusaale u noqda shacabka intiisa kale.

Dhalinyarad waa in il gaa ah lagu eegaa dowladuna wasaarada ku shaqadaleh la siiyaa awood dhaqaale oo ay ku fuliso howlaha horyaala si dhalinta dalka looga badbaadiyo tahriibta iyo ku biirada kooxa nabadiidkaa sida alqaacida iyo burcada badaha.

Waxbarashad caafimaadka iyo dhalinyarada waa in dowladu u qoondaysaa miisaniyad dhaqaale oo ku filan ilaa intay kartay.

Magaalooyinka puntland way tuban jibaarmeen ilaa intii la dhisay puntland

Waa in adeegyada guud ay la jaanqaadaan balaarashad magalooyinka tusaale ahaan magaalada bosaso oo iminka u muuqta magaalada labaad ee ugu wayn somaliya isla markaasna ah magaalada ugu dadka badan puntland waxay leedahay saldhigyo kooban waa in xaafadkastaa laga sameeyo saldhig boolis iyo xarunta hanuunita oo xaafada si dadka loo gaarsiiyo wacyigalinta dowlada.

Waxaa lama huraan ah cadaalada in la gaarsiiyo heer qofkastaa aamini karo uusan ka baqay dulmi lagu dulmiyo qabiil am dhaqaale cadaaladu waa furaha dowladnimad dhamaan dowlada iyo shacabka waxaan ugu baaqayaa in arintaas la aanted anay wax horumar ah aanay jiri Karin sidaad dartee waa in cadaalada xooga la saaro.

Gaar ahaan dadka xukunka hayaa waa inay ogaadaan arintaas in lagula xisaabtami doono aduunka ama aakhiro ayna u yeeshaan fiira gaar ah

Halgamaagii waynaa ee somaliyeed cismaan yusuf keenadiid ayaa yiri asgoo la hadlaya somalidii xiligaas balse aad moodo inuu manta ka hdalayo waan sanadkii 1952 waa xili fog lakiin xaalada hada dhaqan somalidu waliyahay iyo tii xiligaas waxaa moodaa inaysan car isku rogin ee ay meeshoodii dulinimo la taaganyihiin dantoodiina ay ku seegeen.

Waxuuna yiri abwaanku

Iyagaa isumuuqanahayee moog adduunyad e

Murtiday lahaayeen ayay magac ku waayeene

Muwaafaqo kolkii laga gafaa mowtigood galaye

Anigaa ku miradhaamayee malagu saarnaaye

Macriifo uma yeeshaan waxuu baran masaalkoode

Macaamilada aadmigu ku jiro laga madoobeeye

Martabad adduunkiyo cilimigu umaba muuqdaane

Magan bay shisheeye uyihiin meel la joogoba e

Maalin noolba niman baa ku fala waxay la maagaane

Muquunay ahaayeen sidii maal la leeyahaye

Waxaa si gaar ah uga codsanayaa madaxa dhaqaalaha ee dalka inay waajibaad gaar ah iska saran waxna ka badalaan xaaladaha xatooyada ee ay ku kacaan mararka gaar kuwa loo igmaday ilaalinta hantida dalka si loogu ilaaliyo hantida qaranka hab ka fayow ku tagri fal dhaqaale.

Waa in la helaa gudi dhaqaale oo daba gala meelaha ay ku baxaan dhaqaalaha dhalka si aanay u dhicin in shaqsiyaad ay hantida qaranka u adeegsadaan dantooda gaarkaa

Masuq maasuqu waa cadowga dowldnimada waana arin u baahan dagaal qaran waa in aan cidna awood u yeelan inay xado hantida shacabka ayna ku noolaato xoriyada iyadoo aanay jirin cadaalad iyo la xisaabtan laguna ciqaabayo waxay gaysatay

Waa in la helaa madax karti uleh ilaalinta dhamaan danah dalka siiba dhaaalaha oo anay la aantiis waxba soconkarin

Hadii kale waxaa dhacay arintii uu ka digayay

Abwaan cisman yusuf keenadiid uuna lahaa sedan

raggii madaxdu ka xumaato waa marin habaabaaye

kuwii maqadimka looga dhigay waa manfaca raaca

mar maxaadcuntaa kaliya buuyahay maqsuudkoode

Culimada puntland waxaa lama huraan ah inay ka qaataan door shariif ah ayan dowladu qorshe wadaadada looga faaiidaysanayo sugid amniga iyo la dagaalanka xagjirnimada aan xadka lahay yeelato ayna masaajidada dadka ugu sheegaan in aanay ku hodmin hagardaamada huwan halaaga ee ay wadaan kooxa dagalada ka wadada dalka

Waxaa mudan bogaadin culimada puntland siiba kuwa mowqifka cad ka istaagay burburinta iftiinka iyo aayaha dalka ee ay wadaan kooxaha masal gaabka ay murjisay waalidu ee jid iyo jaahdiidkaa kuwaas oo ah kuwii uu

Abwaan cismaan lahaa

Culimadii damac baa malgoo mooye saytahaye

Miilladiyo shareecadii barbaa maal ku iibsadaye

Marsiis iyo madiiduu ku dhacay magane diinkiiye

Masala gab iyo ways hayaan kii mufti ahaaye

Ardadaa mujaadilo lagalin macalinkeediiye

Midkii dhowr masalo soo bartaan maaro looheline

Makastii iyo caamaday madax wareersheene

Hadab xaal muraad lagu wataa la ina maqashiine

Dhamaanteen cadaalad ayaa ina deeqda waa inaan dalkeena aaminaa danteenana dhowranaa dowladu waa inay fulisaa waxii loo igmaday si muuqata waa in xoriyada saxaafada gudaha la dhowraa dowladuna ixtiraamataa xoriytul qowlka si qof walbaa aragtidiis ugu gudbiyo shacab si cod ah am qoraal ah ama suaagan ah.

Si looga maarmo in qofku aragtidiisa si uu u fuliyo inuu xoog u adeegsado ama gacan hadal caburinta dadka waa waxa curyaamiya harukaca dhanka maskaxda ama fakarka ee bina aadamka gaar ahaan somalida sidaas darted waa in la garowsadaa madaxa somalida guud ahaan iyo gaar ahaan puntland oo u baahan hab isku dheeli Tirana dhankasta iyo qaybkasta.

Waxaan mahad dhamaanteed u celinayaa alle oo ii suura galiayay inaa aragtidayda la wadaago akhristayaasha somaliyeed gaar ahaan puntland aan muujiyo dareenkayga iyo talooyinkayga

Sidoo kale waxaan mahad gaar ah u celinayaa warbaahinta RBC raxanreeb oo ii suura galiayay inay fariintayda u gudbiyaan akhristayaasha. Waxaan oran karaa raxanreeb waa warbaahin u qaabaysan qaab warbaahineed oo waa faqsan xoriyada saxaafad iyo sara u qaadida fakarka qalinlayda . Dhamaan shaqaalaha iyo maamulka warbaahinta raxanreeb wad mahadsantihiin.

Ugu dabayn waxaan soomalida oo dhan kula dar daarmayaa midnimo. Waxaana kala dar daarmayaa qabyaalad iyo habraac beeladeed , Ogaada waa hadimada qaranimada halbeega beeluhu

Waa aragti shaqsiyadeed kamana tarjumayso oraahdaydu koox ama maamul . Waxaan dhamaan ka raali galinayaa cidii ku aragtay maqaaladaydii hayaanka puntland iyo habraaca beelaha gaf ama gees mar

Ogaada akhristayaal magafe waa illaah

Wabilaahi towfiiq

WAA QAYBTII 5AAD EE HAYAANKA PUNTLAND IYO HABRAACA BEELAHA

WAAN QAYBTII UGU DANBAYSAY MAQAALADII HAYAANKA PUNTLAND IYO HABRAACA BEELAHA

W/Q XAAMUD MAXAMED DALA AAN

Karzay3@ gmail.com

PUNTLAND SOMALIA

========================================

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM