Guddoomiye Ku-Xigeenka Gobalka Shabeelaha Dhexe Oo Ka Badbaaday Qarax Miino
Xuquuqda Qoraalada, sawirada iyo warbixin kasta waxay gaar u tahay Raxanreeb.com (RBC Radio). Lama adeegsan karo, dib looma daabici karo, lama baahin karo ama kambayuutar laguma keydsan karo si toos ah iyo si dadban intuba, haddii aan fasax laga heysan maamulka Raxanreeb.com (RBC Radio). Fadlan hana xadin
Balcad [Radio RBC] Sida uu saxaafadda u sheegay afhayeenka Gobalka Shabelaha Dhexe Daa’uud Xaashi Ciiro, waxa xaley maqribkii xaafada suuqa Xoolaha ee gobalkaas qarax miino lagu weeraray kolonyo uu la socday guddoomiye ku xigeenka G/Shabeelaha Dhexe Axmed Yuusuf Cabdulle
Qaraxa oo laga maqlay degmada Balcad, ayaa waxa haleelay gaari nooca dagaalka, waxana ku dhintay seddax ka tirsan ciidanki la socday, iyadoo askar kale iyo Taliye ku xigeenkii ciidamada Balcad ay ku dhaawacmeen qaraxaas.
Wuxuu sheegay afhayeenka in qaraxa lala damacsanaa in lagu khaarijiyo guddoomiye ku xigeenka, balse uu ka badbaaday oo uu bad qabo sida uu hadalka u dhigay.
Qaraxa markii uu dhacay, ayaa la sheegay, in ciidamada dowladda ay baaritaano sameeyeen, iyadoo dhowr qof ay soo qabqabteen, laakin aan wax faah-faahin aan laga heynin.
Ma ahan markii ugu horreysay ee qarax lala bartilmaameesto saraakiisha ciidamada dowladda tan iyo markiii qeybo ka mid ah gobalka Shabeelaha Dhexe laga qabsaday ururka Al-Shabaa.
RBC Radio
————————-
Xafiiska Wararka Muqdisho
[...] Taken from: Guddoomiye Ku-Xigeenka Gobalka Shabeelaha Dhexe Oo Ka Babaaday Qarax Miino [...]
[...] See the original article here: Guddoomiye Ku-Xigeenka Gobalka Shabeelaha Dhexe Oo Ka Badbaaday Qarax Miino [...]