Xaflad Lagu Taageerayay Sanad Guuradii Lixaad Ee Aas Aaskii Galmudug oo Lagu qabtay Minneapolis (Sawirro + Video)

Minneapolis (RBC Radio) Xaflad balaaran oo si heersare ah loo soo agaasimay oo ay ka qayb galeen jaaliyada Soomaaliyeed ee Galmudug ayaa waxaa lagu qabtay magaalada Miniyabulus ee dalka Maraykanka.

Sababaha loo qabtay xafladaan Balaaran oo ay ka qayb galeen dadweyne badan oo meelo kala duwan ka imaaday ayaa ahaa dhowr arimood oo kala ahaayeen.

1.Taageerida Sanadguuradii Lixaad ee aasaaskii Galmudug

2. Soo dhaweyn Gudoomiyaha Baarlamaanka Galmudug Mudane Xasan Maxamed Hayl

3. Taageeris Maamulka Cusub ee Galmudug oo haatan uu hogaaminayo Cabdi Xasan Cawaale qaybdiid.

Dad badan oo ka hadlay Munaasabadaan ayaa waxay ku dheeraadeen marxaladii kala duwanaa oo uu soo maray maamulkaan mudadii uu shaqaynayay, waxayna sheegeen in maamulkaan uu ku guuleestay waxyaabo badan oo horumar ah.

Gudoomiyaha baarlamaanka Galmudug Xasan Maxamed Hayl oo ka hadlay Xafladaan ayaa wuxuu u mahadceliyay dadweynihii ka soo qayb galay iyo waliba intii soo qaban qaabisay munaasabadaan.

Maamulka Galmudug ayaa lixdii sano uu shaqaynayay wuxuu soo maray marxalado kala duwan waxaan isku badalay madaxweyne yaal dhowr ah iyadoona mar dhow maamulkaasi madaxweyne loogu doortay Cabdi Xasan Cawaale Qaybdiid.

Xafiiska Raxanreeb ee Minneapolis
Tell (612) 615-9556

Halkaan ka Fiirso Sawirada Xaflada oo dhameystiran

Halkaan Guji kana daawo in ka badan 200 oo Sawirada Xaflada ah 

Sanad Guuradii Lixaad ee Galmudug State