Xassanoow Na daadihi! W/T Xassan Cabdullaahi Xaashi (Timacadde)
Xuquuqda Qoraalada, sawirada iyo warbixin kasta waxay gaar u tahay Raxanreeb.com (RBC Radio). Lama adeegsan karo, dib looma daabici karo, lama baahin karo ama kambayuutar laguma keydsan karo si toos ah iyo si dadban intuba, haddii aan fasax laga heysan maamulka Raxanreeb.com (RBC Radio). Fadlan hana xadin
Xassanoow Na daadihi!
Xassan Cabdullaahi Xaashi (Timacadde)
Hassanhashi2010@hotmail.com
Sabteembar 11 2012
Xassan Cabdullaahi Xaashi (Timacadde)
Asc, salaan ka dib waxaan halkaan hambalyo uga dirayaa dhammaan umadda soomaaliyeed ee maanta hoggaanka cusub heshay, waxaan hambalyo gaar ah uga dirayaa halkaan madaxwaynaha Cusub ee jamhuuriyadda Federaalka Soomaaliya Mudane Xassan Sh. Maxamuud. Maansada kooban waxaan curiyay ka dib markii uu mudane Xassan sh Maxamuud ku guulaystay doorashadii mataxtinimada Soomaaliya.
Maansadan waa talo, waa dhiirri galin, ku socota madaxwaynaha dalka iyo dadka Soomaaliyeed Mudane Xassan Sh.maxamuud. Dalkayga waxaa u baryay waa cusub. Insha Allaah waxaa soo laabanaysa Sumcaddii aannu ku dhex lahayn dunida, waxaa dhammaanaya Alle idanki, dulli, dar xumo, dacdarro, qabyaalad, dib dhac, nin tooxsi fakhri iyo dhaqaale yari. Waxaa bilaabanaya Insha Allaah, soomaalinimo, horumar, wax wada qabsi, is taageerid, isku filnaansho.
Maansadii Xassanoow Na daadihi waxay ku bilaabanaysaa:
Alla daacaddaay nool!
Dibindaabyadaay mood!
Dallaafkiyo dhibkaaniyo !
Lagu waa dagaalkoow!
Damaqiyo xasuustiyo
Diihaalkanoow dhimo!
Damiir laawahoow joog!
Dammaadkiyo wareerkiyo
Daadduunka quustiyo
Dab ku gubo ibliiskoow!
Dagaal oogahaasoow
Dannigiyo dhibtaadii
Laga raysay dayrtaan!
Dable iyo askarigoow
Digtoonaada baan idhi!
Daljirkiyo waddanigoow
Daacad iyo wax garadkoow
Sama doonka joogoow
Garaadkiyo duqaydaay
Soco daansho-daanshood
Dalka nabad ku meer meer
Ninka dibad ku nooloow
Daltabyaa ku haysee
Dib u laabo waa talo!
Maandeeq ha darartee
Dureemiyo naq doogliyo
Doomaarta baxaysiyo
Cawskiyo dixida taal
Xassanoow durduursii!
Damaashaad an gaarnee
Xassanoow na daadihi!
Na daryeel waddanigoow!
Daydaygiyo qaswadihiyo
Naga qabo danaystaha!
Odayada dakhaakhulan
Iyo dayri dhagartoo
Ka dareeri maatada
Dulligiyo rafaadkoo
Dallacsii dhammaantood!
Dalka horumar gaarsii
Shacabkana dantoodiyo
U hagaaji darajada
Danti mooge shacabyahow
Maro duug horteed buu
Dhammaadaa dubkiisuye
Garo dowga nabaddoo
Qaadsii darmaankoo
Dalsan geeya reeraha!
Xassanoow dabuubtii
Dadabtaydi maansiyo
Deelleeydi aan qoray
Ha hilmaamin dulucdii
“Madax wayne diintiyo
Garan dowga nabi iyo
Noqo daacad waa kow”
Xassanoow nin damaqliyo
Nin daryeela maatada
Oo nala dareeniyo
Dugsi noo ahow laba
Dawladnimadu waa xile
Ka daryaani guul weyn!
Darroor iyo il duuf iyo
Daxalaysi yuu iman!
Dayra dhaafka qabowgiyo
Dawarsiga inoo diid!
Delidhaca hoggaankiyo
Demmanaanta garashada
Iyo dhagarta diimoon
Ha doon-doonin waa talo!
Didi maato dooxaha
Duullaan u joogaha!
Dufoobaha na dabar jaray!
Dingaraaro keenaha
Kan dirsooca shicibkiyo
Dire-dire fogeeyoo
Duraygiyo xanuunkiyo
Maandeeq daweeyoo
Rabbi darajo siiyoow
Damiirkaagu yuu lumin!
Dinnaahyee dhulkaagoo
Darandoorri barashada
Dugsiyada tacliintiyo
Qalin iyo dawaad badi!
Xassanoow Dalkaagii
Xassanoow Dadkaagii
Xassanoow dixdaadii
Adigaa u deeq ahe
Xassanoow dugaalkii
Xassanoow Daryeelkii
Xassanoow danteennii
Ha hilmaamin dulucdii!
W/T: Hal Abuur: Xassan Cabdullaahi Xaashi (Timacadde)
Email:hassanhashi2010@hotmail.com
=============================================
QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM
[...] Read More: Xassanoow Na daadihi! W/T Xassan Cabdullaahi Xaashi (Timacadde) [...]
maaaaaaaasha Allaah abwaan xassan xaashi timacadde halkaa kawad
Maasha Allaah, Hambalyo hambalyo hambalyo Madaxweyne Xasan Sh Max’ud. Xilka Alle ha kuu fududeeyo noqo kii Alle Idankii Nabad iyo horumar noo hor kaca.
Caadi mahan abwanka halkaa kasiwad
Waa Islaamiiste ku xiran ururro dibadeed, sidaas awgeed, waa suurogal in uu dalka ka dhigo sida Afghaanistaan oo kale, meesha Soomaalidu horrumar u hanqal taagaysay.
Soomaaliya Islaamiiste waa ka daashay, ayaguna kama maarmaan arrimaha ay damacsan yihiin. Ninkaanu wuxuu la mid yahay Aweys iyo Baadiyoow oo u halganaya in dalka la hoosgeey Sucuudiga oo la burburiyo dhaqanka iyo hiddaha Soomaaliyeed si Carabta loogu daydo.
Masha Allah waa gabay qiimo leh oo qaaliya.
Asc, salaan ka dib waxaan halkaan hambalyo uga dirayaa dhammaan umadda soomaaliyeed ee maanta hoggaanka cusub heshay, waxaan hambalyo gaar ah uga dirayaa halkaan madaxwaynaha Cusub ee jamhuuriyadda Federaalka Soomaaliya Mudane Xassan Sh. Maxamuud. waxaana Alle uga barya yaa inuu xilkaas waa culus yehee u fududeeyo oo uu noqdo kii dadki siyo dalkiisuba ku baraaraan.
X.c.xaashi timacade
waxaa kaasoo burqadey wadaniyada iyo wanaaga calooshaada ku jira ee halkaas kasiiwad waxaan kuu rajeynayaa inaad noqoto abwaan weyn oo curiya fekrado iyo murti xiiso badan, oo caruurta iskuulada loogu dhigo, mahadsanid abwaan timacade
Dhammaantiin Mahadsandiin, @nabadoon walaale ku mahadsanid dhiirri galaintaada qaaliga ah, wadaninimaduna waa wax la inaga rabo inaynu muujinno si dalka aan ugun hiilinno.