tawakal expressgolis logo



Madaxweyne Farmaajo oo ka dalbaday ururka al-Shabaab inay wada-hadal la furtaan dowladda Soomaaliya

Gaalkacyo (RBC Radio) Madaxweynaha Soomaaliya,Maxamed Cabdullaahi Farmaajo ayaa u jeediyay ururka al-Shabaab inay wada-hadal la furaan dowladda oo ay hubka dhigan,isagoo marka ka hadlayay shir dib u heshiisiin qaran ah oo u shalay madaxweynaha ku soo xiray magaalada Muqdisho.

Madaxweynaha ayaa kooxda al-Shabaab madaxdooda sare ugu baaqay in aysan Shacabka dilin, hantidoodana bur burin, taa bedelkeed ay dowladda Federaalka wada hadal la galaan.

“Haddii aad la dagaaleysaa dowlad, dowladdaan shacabkaa keenay ee aan wada hadalno, dadkaan haleynina hantidaanna ha burburinna, welina waan ku taagannahay, ilaahay waxaan ka baryeeynaa qoladaasi inuu soo celiyo oo caqligooda ku shaqeeyaan oo ay ka haraan qolada la shaqeysa ee ajanabiga ah.” ayuu yiri madaxweyne Farmaajo.

Wuxuu tilmaamay madaxweyne Farmaajo, in xilligan aanay shacabka u baahneyn colaad joogta ah, balse ay u baahan yihiin nabad iyi barwaaqo.

Madaxweynaha ayaa tan iyo markii uu xilka qabtay wuxuu ku cel celinayay baaq uu u diro al-Shabaab,isagoo marka usoo jeedinayay dowladda inay wada-hadal la furtan si xasiloonidda iyo nabadda dalka looga wada shaqeeyo.

Al-Shabaab ayaa muddo dheer oo toban sanno ka badan dagaal ka wada dalka,iyagoo marka doonaya inay afgambiyaan dowladda oo ay ku soo rogaan dalka xukun ay ku sheegen mid islaami ah.
__
RBC Radio



Leave a Reply

Your email address will not be published. Required fields are marked *