tawakal expressgolis logo



Dekedda Muqdisho oo maanta la keenay qalab lugu horumarinayo shaqada ay dekeddu qabato

Muqdisho (RBC Radio) Dekedda ku taalla caasimadda Muqdisho ayaa hadda la doonayo shaqada ay hadda qabato mid ka badan inay soo bandhigto,markii maanta la soo qarsiiyey Muqdisho qalab loogu tala-galay dekedda kaasi oo isugu jira qalabka raridda iyo dejinta.

Wasiirka Dekedaha Soomaaliya,Maryan Aweys oo warbaahinta kula hadashay gudaha Dekadda ayaa waxaa ay sheegtay qalabkan uu muhiim u ahaa Dekadda, wax badan uu ka tari doono,iyadoo inta ku dartay in ay aheyd qalabkan in mar hore la keeno, laakiin howlo badan oo jiray awgeed ay dib u dhaceen, balse wixii hada ka dambeeya lagu fududeyn doono shaqada Dekedda.

Qalabkan oo isagu jira Wiishas, Agab lagu qaado xamuulka, Cagaf-cagaf iyo Qalab kale,waxaa dekedda soo garsiisey shirkadda Al-Bayrak,wasiirka ayaana shirkadda u mahadcelisay iyadoo marka ka dalbatay in ay kordhiyaan dadaalka ay wadaan oo ay ku hormarinayaan dib u dhiska dalka.

Shirkadda qalabkan soo garsiisey ee Al-Bayrak ayaa dhowrkii sanno ee ugu dambeeyay maamulesay dekedda Muqdisho oo ka mid ah ilaha ugu weyn ee dhaqaalaha ay ka hesho dowladda Soomaaliya.
__
RBC Radio



Leave a Reply

Your email address will not be published. Required fields are marked *