China: Waxaa naga Go’an Soo Furashada Markabkeena iyo Shaqaalaha Saaran
Dowlada China ayaa wacad ku martey inay wax kasta oo suuragal ah u sameyn doonto si ay su soo furato markab ay leedahay iyo 25 shaqaale ah oo saaran oo shaley aroornimadii u gacangalay burcad badeeda Soomaalida.
Afhayeenka wasaarada arimaha dibada ee China Ma Zhaoxu ayaa sheegay in ciidamada wadanka China ee ku sgan xeebaha Soomaaliyaay bilaabeen hawlgal lagu furanayo markabka DE XIN HUA oo ay saaran yihiin 25 ruux oo shaqaale ah, mana jirto wax faahfaahin kale oo uu bixiyey.
Wakaalada wararka ee Xinhua ayaa sheegtey in dowlada China ay uga digtay maraakiibta kale inay ka joogaan gacanka cadmeed si ay san ugu dhicin khatar kale.
China waxaa xeebaha Soomaaliya ka jooga saddex markab oo kuwa dagaalka ah kuwaasi oo qeyb ka ah hawlgalka ka hirtaga burcad badeeda.
Burcad badeeda heysata markabka China ayaa iyaguna ku hanjabay inay ka takhalusi doonaan dhamaan shaqaalaha haddii weerar lagu soo qaado.
Hae ahaatee sarkaal ku dhow militariga ayaa sheegay inaysan khatar gelin doonin nolosha la heystayaasha China u dhashey ee saaran markabka.
Burcad badeeda Soomaalida ayaa lagu wadaa in markabka China ay geeyaan xeebaha Waqooyi ee Soomaaliya halkaasi oo fadhi u ah iyaga.
RBC Radio Monitoring
Nairobi
