Madaxweynaha Soomaaliya oo lagu Wado inuu Goor Dhow Gaaro Sanca
RBC RADIO
NEWS DESK
SANCA, (RBC Radio) Madaxweynaha DKMG ee Soomaaliya Sheekh Shariif Sheekh Axmed ayaa lagu wadaa inuu maanta gaaro magaalada Sanca ee dalka Yemen halkaasi oo u ku tagayo madaxweynaha booqasho rasmi ah.
Booqashada madaxweyne Shariif iyo wafdigiisa waxay qeyb ka tahay booqasho uu ku marayo wadamada carabta si uu uga helo taageero dowlada KMG oo hadda ku jirta dagaal ka dhan ah mucaaradka.
Madaxweyne Sheekh Shariif waxaa uu soo maray wadamada Djibouti iyo Kuwait oo uu kulamo kula soo qaatay madaxda wadamadaasi.
Waxaa lagu wadaa in madaxweynaha uu la kulmo masuuliyiin ka tirsan dowlada Yemen oo uu ka mid yahay madaxweynaha Yemen Cali Cabdalla Saalax, sida ay sheegeen xubno ka tirsan wafdiga madaxweynaha.
Waxyaabaha uu madaxweynaha Soomaaliya la soo qaadi doono dhigiisa Yemen waxaa ugu horeeya arimaha nabadeynta Soomaaliya iyo sida loo hirgelin karo hab nabadeed oo lagu wad hadalsiiyo dowlada iyo kooxaha ka soo horjeeda.
Waxaa sidoo kale madaxweyne Shariif uu u bandhigi doonaa madaxda Yemen arimo ku saabsan in taageero la siiyo dowladiisa iyo sidoo kale dadka Soomaalida ee qoxootiga ku ah dalka Yemen oo sii badanaya.
RBC Radio
Kharajka Soomaalida la siiyo diyaarad lee ku sii raac ee baryo kale tag ee shaqadii lagaa doonaayay ha qaban wale wuxuu u egyahay qorshe laguu dejiyay
Iska raaxayso, maalin unbaa lagula xisaabtamidoonaa.
War dadka Soomaaliyeed yaa laga sugaayaa inuu gogol u dhigo oo u nasteexeeyo yaa qaboojinaaya kuwan dhiiga soomaaliyeed u indha cad
Waan kuu jeednaa ninkii wax kaa sugaa waqti ka dhumay