Andrew Mwangura: Burcad Badeeda Way Dhimi Doonaan Madax Furashada
Abdalle Muumin
RBC Radio Staff
Mwangura oo u waramay wargeyska the Mail ee dalka Ingiriiska ayaa sheegay inuu wado dadaalo ku saabsan sidii burcad badeeda looga dhaadhicin lahaa inay dhimaan dalabkooda lacageed ee $7 million ah ee ay shaley soo bandhigeen.
Mwangura waxa uu sheegay in burcad badeeda ay u heysato in qoyskan ay yihiin qani sidaa darted ay u dalbadeen lacagtaasi.
“Waxaan wada xaajoodyo la wadnaa odayaal iyo waxgarad Soomaaliyeed si burcad badeeda looga dhaadhiciyo inay dhimaan lacagta ay dalbadeen oo ay gaarsiiyaan £100,000 (lacagta Britain)”, ayuu yiri mwangura.
Waxaa uu intaa ku daray Andrew Mwangura “Burcad badeedu hadda ayey xaqiiqsadeen in qoyska reer Chandler aysan ahayn qani, sidaa awgeed waxaa laga dhaadhicin karaa inay dalabkooda aad hoos ugu dhigaan”.
Hadalkan ka soo yeeray Andrew Mwangura oo ahnin Kenyan ah isla markaanasheegta inuu madax ka yahay hay’ada badmaarenada Bariga Afrika ayaa ah kii ugu horeeyey ee noociisa ah, waxaana uu ku soo beegmayaa xilli si aad ah loola yaabay lacagta $7 million ah ee ay burcad badeeda dalbadeen si ay u siidaayaan haweeneyda iyo odaygeeda reer Britain ee ay qafaasheen.
Dowlada Ingiriiska ayaa sheegtay shaley inaysan lacagtaasi siin doonin burcad badeeda, halka qoyska ay ka soo jeedaan Paul Chandler iyo Rachel Chandler ay sheegeen inaysan lacagtaasi heysan.
Wararka ku saabsan qoyska u afduuban burcad badeeda ayaa sheegaya inay socdaan weli wada xaajoodyo gorgortan ah oo laa wado burcad badeeda si looga dhaadhiciyo inay aqbalaan lacag ka yar intii ay hore u sheegteen.
Andrew Mwangra waxaa hore loogu eedeeyey inuu xiriir la leeyahay burcad badeeda Soomaalida isagoo lacagaha u kala gudbiya burcad badeeda iyo shirkadaha ama dowladaha dadka laga qafaasho, halkaasi oo lacag badan uu ka helo Mr. Mwangura.
Source: agencies
