Muqdisho(RBC Radio) Kulan ballaaran oo looga soo horjeedo Mooshinka laga keenay xukuumadda uu hogaamiyo  R/wasaare Cabdi Faarax Shiirdoon Saacid oo ay yeesheen mudanayaal ka tirsan baarlamaanka Soomaaliya ayaa maanta lagu qabtay magaalada Muqdisho ee xarunta Soomaaliya.

Kulanka oo looga soo horjeeday Mooshinka ka dhanka ah xukuumadda oo ay baarlamaanka keeneen mudanayaal ka tirsan baarlamaanka oo lagu qabtay Hoteelka Naasa Hablood 2 ee magaalada Muqdisho ayaa waxaa sidoo kale lagu taageerayey waxqabadka iyo horumarka ay ku tallaabsatay xukuumadda R/wasaare Cabdi Faarax Shiirdoon,waxaana ka qayb galay kulankaas in kabadan 130 xildhibaan oo ka tirsan mudanayaasha baarlamaanka federaalka Soomaaliya.

Khadiijo Maxamed diiriye oo ah gudoomiyaha gudiga Xuquuqul Iinsaanka baarlamaanka Soomaaliya oo kulanka ka hadashay ayaa sheegtay in xiligan maanta lagu jiro aysan munaasab ahayn in qaar ka tirsan mudanayaasha baarlamaanka Soomaaliya ay Mooshin ka keenaan xukuumadda oo ay sheegtay iney ku tallaabsatay guul iyo horumar la taaban karo.

Dhammaan mudanayaashii ka qayb galay kulanka ayaa isku raacay in xukuumadda R/wasaare Saacid ay dalka u hogaamisay horumar mudada kooban ee ay xilka haysay,Xildhibaan Cabdi Xaashi C/llaahi ayaa daboolka ka qaaday inaan Khilaaf meel lagu gaarayn,wuxuuna xusay in R/wasaaraha ay mudanayaashu u yeereen isla markaane uu horyimi baarlamaanka si wanaagsane uu uga jawaabay su’aalihii la weydiiyey uuna baarlamaanka ka tagay iyaga oo qanacsan,wuxuuna isweydiiyey waxa keenay in Mooshin ka dhan ah la keeno baarlamaanka xiligan.

Markii uu soo baxay warka sheegaya in qaar ka mid ah mudanayaasha baarlamaanka Soomaaliya iney wadaan Mooshin ay ku doonayaan iney ku ridaan xukuumadda R/wasaare Saacid ayey arintaasi wel-wel horleh ku abuurtay shacabka Soomaaliyeed oo kasoo daalay isqab-qabsiga masuuliyiinta dalka kuwaas oo khilaafkoodu uu dib u dhac ku keenay hawshii ay shacabku ka sugayeen.

RBC Radio

Xafiiska Wararka Muqdisho

Use Facebook to Comment on this Post

Shirkaddaha Golis Iyo Xawaalada Tawakala Oo Ku Mataanoobey Addeegyada SAHAL iyo E-Tawakal

Boosaaso[RBC Radio] Shirkadda Isgaarsiinta Golis iyo Xawaaladda Tawakal Express ayaa maanta shaaca ka qaaday iney Mataaneeyeen Adeegyadooda Sahal Service iyo E-Tawakal,waxayna tallaabdan kaga dhawaaqeen Xaflad ay ku qabteen Xarunta Golis ee Boosaaso.

Madaxa Suuqgeynta Shirkadda Golis Cabdirixmaan Cabdullaahi Jaamac “Dayax””

Madaxa Suuqgeynta Shirkadda Golis Cabdirixmaan Cabdullaahi Jaamac “Dayax”” oo Saxaafada la hadlay ayaa faah-faahin ka bixiyey Ujeedada Shirkooda Jaraa’id uu yahay in ay bulshada ugu soo bandhigaan Barnaamij waxtar u leh Macaamiisha Golis iyo Xawaalada Tawakal Express.

..”"”Barnaamij loogu magacdaray Mataaneynta Adeega Sahal iyo E- Tawakal,waa Barnaamij cusub oo faa’ido iyo Waxtar iyo hawl fududeyn u leh Macaamiisha Shirkadda Golis iyo Macaamiisha Shirkadda Tawakal Express,..”"ayuu yiri Dayax.

Hoggaanka Ganacsiga ee Shirkada Golis Cumar Ciise Maxamed (Cumar Faaruuq) oo isna Sharaxaad ka bixiyey sida labada Adeeg ee Sahal iyo E-Tawakal uwada shaqeynayaan,wuxuuna sheegay in labada Adeeg isku Xirayo Macaamiisha gudaha iyo dibada ee Golis iyo Xawaalada Tawakal Express.

Hoggaanka Ganacsiga ee Shirkada Golis Cumar Ciise Maxamed (Cumar Faaruuq)

…”"”Addeegan wuxuu fududeynayaa oo isku Xirayaa Macaamiisha gudaha iyo kuwa dibada ee Golis iyo Macaamiisha dibada ee Tawakal Express buu isku xirayaa,..”"”ayuu yiri Cumar Faaruuq.

Wuxuu intaas ku daray Hoggaanka Ganacsiga ee Shirkada Golis Cumar Ciise Maxamed …”"”"Maanta waxa kusoo biiray in Adeega Sahal iyo Adeega E-Tawakal oo ah in qofka dibada jira marka uu lacagta soo diro qofka adeega Sahal haysta ama  adeega Moobilka Golis haysta isagoo gurigiisa jooga,magaaladiisa jooga lacagta ugu soo dhacdo…..”"ayuu yiri.

Baaqa Nacaamiisha.

Hoggaanka Ganacsiga ee Shirkada Golis Cumar Ciise Maxamed  ayaa ugu baaqay Macaamiisha aan haysan Adeega Sahal ama aan adeegsan iney diyaar ula yihiin Diiwaangelin lacag la’aan ah dhamaan Xarumaha Golis oo dhan.

Madaxa Horumarinta Caalamka ee Xawaalada Tawakal Express Cali Siciid Maxamed (Nacnac) ayaa sheegay in Xawaalada Tawakal Express ay Juhdi farabdan gelisay sidey ula hanaqaadi lahayd Shirkadda Golis ayna uga faa’ideyn lahayd Macaamiisheeda dibada jooga iyo weliba kuwa gudaha jooga.

…”"” Shirkadda Tawakal waxay juhdi aad u badan gelisay sidey ula hanaqaadi lahayd Shirkadda Golis ayna uga faa’ideyn lahayd Macaamiisheeda dibada jooga iyo kuwa gudaha jooga ee isku xiran….”"ayuu yiri.

Macnaha E-Tawakal

…”"” E-tawakal macanaheedu waxauu yahay qofka dibada jooga,wuxuu funayaa Akoon amase gudaha jooga hadduu doonayo ,marka Akoonkaas furto uu Shuruudaha Akoonka soo gudbiyo ka dib waxa u fursad u helayaa Isaga oo gurigiisa jooga,Xafiiskiisa jooga meel walba dunida haka joogo uu ku xiranyahay Internet in markas lacagta kusoo diri karo si toos ah qofka Moobeylkiisa haysta Sahal…..”"”ayuu yiri.

Si kastaba Mataaneynta Adeegyada Sahal iyo E-Tawakal ayaa wax weyn ka badeli doona Caqabadaha bulshada ka qabsada dhanka lacagaha,waxaana si weyn usoo dhaweeyey Macaamiisha labada dhinac.

___________________________

Cismaan Turaabi

Use Facebook to Comment on this Post

Garoowe (RBC RADIO) Waxaa maanta Duleedka Bari ee Garoowe ka dhacay Munaasabad Guryo loogu wareejinayay Dad barakacayaal ah oo halkaasi ku nool Guryahaasi oo dhamaa 600 ayaa hay’ada Wold Vition oo kaa shaneysa Dowladaha England & Canada waxay gudoon siisay 600 ooo qoys si ay uga hoos galaan Dabaysha iyo Qoraxda kulul ee ka jirta Gobolka Nugaal maadaama lagu jiro xiliga xagaaga, iyadoo sidoo kale Guryo dhan 600 la gudoonsiiyay Barakacayaasha ku nool Degmada Burtinle.

Madaxweynaha Puntland Dr C/raxmaan faroole iyo Masuuliyiin ka socotay 2da Gole oo ay wehliyaan Msuuliyiinta Hay’ada Wold Vition ayaa kasoo qayb galay Munaasabadaasi, Wasiirka Arimaha Gudaha Puntland C/laahi Axmed jaamac (ilka Jiir) oo Madasha ka hadlay wuxuu sheegay in Dadka ka yimi Koonfurta Dalka Soomaliya aan mardabe loogu yeeri Karin Barakacayaal balse ay ka mid noqdeen Xaafad ka mid ah magaalada Garoowe dadkana aysan ka takoorneen isagoo sii raaciyay hadalkiisa in Bulshadu ay is dhexgasho amnigana si wada jir ah loo ilaashado.

Madaxweynaha Puntland Dr C/raxmaan faroole oo gunaanadkii Xafladaasi ka hadlay wuxuu xusay in ay wax qabadku uu yahay wixii ka dhex muuqda Bulshada sida Caafimaadka Waxbarashada Ganacsiga Biyaha iyo waliba Guryahan hada horteyda ka muuqda ayuu yiri Madaxweynuhu.

“ Waxaan aad ugu mahadcelinayaa Shacabka Puntland oo soo dhaweeyey walaalohood Kuunfureed oo deegaankoodii kasoo barakacay waxaana leeyahay halkan waa dhul soomaaliyeed cid laga xigaana ma jirto waxaana u taagannahay badbaadinta Umada Soomaaliyeed, waxaad ogaataan in halkan aysan ka jirin waxyaabaha Been abuurka ah ee Muqdisho laga sheego oo ah in dadka Barakacayaasha ah lagu dhibo Puntland dadka soo dhaweynta walaalohood abaaraha iyo Dagaalada kasoo fakaday ku dhaqaaqayna xusid ayeey mudan yihiin ee ma mudna in laga been abuurto, sidaana waxaa yiri Madaxweyne Faroole.

Dadkan oo gaaraya 600 oo qoys ayaa si toos ah Guryahooda loogu wareejiyay waxayna sheegeen in nabad Caafimaad iyo shaqoba ay ku haystaan Deegaanada Puntland dibna aysan u noqoneynin sidoo kale waxay mahad u celiyeen Hay’ada Wold Vition oo ka mira dhalinta Barnaamijkan xil weyn iska saartay waxaana isla meesha looga dhawaaqay in Xaafad Cusub oo Jilab la magac baxday in laga yagleelay Magaalada Garoowe.

RBC RADIO

Xafiiska Wararka Garoowe.

Use Facebook to Comment on this Post

Sawirr mujinaya qar ka mid ah daaraha magaaladda Gaalkacyo Raxanreeb.com

Gaalkacyo[RBC Radio]Degmada Gaalkacyo ee xarunta gobolka Mudug ayaa la soo baxdey muqaal qurxoon kadib marki  mudooyinkii ugu dambeeyey hormar dhinacyada dhismaha iyo ganacsiga ah ayadoo hormarkaasi ka jira magaaladdana uu keenay in durbaba isbedel dhanka bilicda ah laga dareemo Gaalkacyo.

Shabakadda Raxanreeb.com ayaa uu kur gashey xaaladda isbadalka ku saleysan ee ka jirta Gaalkacyo kuwaaso isgu dhafan hormarkan dhanka dhismaha iyo ganacsiga,waxaa intaa usii dher inuu isbadalkan uu yimid kadib markii mudooyinkii ugu dambeeyey ay magaalada si aad ah usoo dhismeysay waxaana dhismahaasi iyo goobo ganacsi oo waaweyn oo laga hirgeliyey magaaladda Gaalkacyo ay wax weyn ka bedeleen muuqaalkii Gaalkacyo.

Xiliyada ad dhexqaadeysid jidadka dhaadher ee magaaladda waxaa ku muqanayo daaro ad uu dhaadher kuwaso isgu jira Hoteelo iyo gobo ganacsi oo ay bulshadu ku ganacsadaan

Kuma koobna oo qura hormarka ay magaalada Gaalkacyo sameyneysay sanadihii ugu dambeeyey dhanka dhismaha oo waxaa sidoo kale ay magaaladu si aad ah hormar uga sameysay dhanka ganacsiga waayo Gaalkacyo hada waxaa ku yaala suuqyo farabadan kuwaasi oo maalin walba ay dadku u dukaameysi tagaan.

 
Marka aad suuqyadaasi tagto waxaad ku arkeysaa goobo ganacsi oo ay ka mid yihiin carwooyinka kuwaasi oo loo sameeyey si la mid ah sida carwooyinka ku yaala dalalka dunida hormaray waxaana carwooyinkaasi looga adeegtaa si lamid ah sida carwooyinka dalalka caalamka,waxaana dadku ay ka helayaan wax walba oo baahidooda la xiriirta.

Magaaladda Gaalkacyo waxaa ay ka mid tahay magaaloyinka waa weyn ee dalka waxana ku nool dad ad u farbadan kuwaso ganacsi xogleh galiyey magaaladda.

Naga fillo sawirro kale iyo warbixino an idin kaga soo diyaarinay magaaloyinka waa weyn ee dalka.

Hoos ka daawo sawirro ka turjamaya isbadalka Gaalkacyo

Iimaan Maxamed Jaamac
RBC Radio
Xafiiska Gaalkacyo

Use Facebook to Comment on this Post

Garoowe (RBC RADIO Madaxweynaha Puntland Dr C/Raxmaan Maxamed Maxamuud faroole  ayaa Maanta sheegay in ay qimyaamo qaran  tahay wax ka badalka qaawan ee lagu sameeyey Dastuurka Dalka taasi oo ah wax aan leysla ogayn wuxuuna sheegay in taasi ay dhaawici doonto heshiisyadii kala duwanaa ee Garoowe lagu saxiixay ayna dhalin karto dhibaato hor leh hadaan hada laga gaarin lagana hakan wax yaabaha aan heshiiska ku jirin ee lagu dhaqmayo.

Madaxweyne C/Raxmaan Faroole wuxuu sheegay in Dowlada Soomaliya ay ka caga jiideyso ku dhaqmida Federaalisimka ayna dooneyso Maamulka oo idil in lagu soo koobo Muqdisho balse wuxuu madaxweynuhu sheegay Burburkii Dalka kadib in ay jiraan Magaalooyin dhismay oo baraaray dadka dagannah aysan doonayn in meel kale ay ka aadaan ayna diyaar u yihiin soona dhaweynayaan Federaaliisim intaa wixii dheerna ay tahay xad gudub iyo abuurida qalalaaso horleh sida uu hadalka u dhigay  Madaxweynaha.

Mudane Faroole  wuxuu ka digay in dib loogu noqdo dhibaatooyin horleh oo horay dalka usoo daashaday wuxuuna tusaale usoo qaatay sida Dowlada Soomaliya ay isaga indha tireyso Maamulka Saxda ah ee Jubbooyinka laga dhisay oo uu madaxda ka yahay Axmed Madoobe taasi oo ku dhisan buu yiri hab Federaaliisim ah sidaa darteed wuxuu Dr Faroole ku celiyay in Puntland aysan u cuntameyn wax aan Federaaliisim ahayn dalkana uu u baahan yahay in sidaa lagu hago.

Madaxweynaha ayaa hadalkan ka yiri Maanta Munaasabad ay barakacayaasha ku dhaqan Garoowe qaarkood ay kula wareegayeen 600 oo Guri oo ay u dhistay Hay’ada Wold Vition toosna loogu wareejiyay Maanta.

RBC RADIO

Xafiiska Garoowe.

Use Facebook to Comment on this Post

Waftiga ka socda Qaramada Midoobe ayaa waxaa horkacayey Tame Readan oo ka tirsan saraakiisha Qaramada Midoobe u qaabilsan dhanka dib u dhiska iyo deegaameynta,wuxuuna magaalada Muqdisho kulan kula yeeshay masuuliyiinta  maamulka gobolka Banaadir oo uu ugu horeeyey ku simaha gudoomiyaha gobolka Banaadir iyo masuuliyiinta kale ee  maamulka gobolka.

Markii uu soo dhammaaday kulanka labada dhinac ayaa waxaa warbaahinta Faah faahin kasiiyey waxyaabihii kulanka looga wada hadlay afhayeenka maamulka gobolka Banaadir Maxamed Yuusuf Cismaan wuxuuna sheegay in maadaama ay magaalada Muqdisho ka socdaan Mashaariic horumarineed oo fara badan in maamulka gobolka uu codsaday in hay’adaha Qaramada Midoobe ay iska arkaan arinkaas si looga gudbo dhaqamo hore oo uu sheegay in lagu gacan bidixayn jiray Mashaariicda dalka loogu tala galay.

Afhayeenka gobolka Banaadir ayaa sheegay inuu dhammaaday xiligii qandaraasyada beenta ah lacagaha loogu tala galay mashaariicda dalka lagu lunsan jiray sida uu hadalka u dhigay,wuxuuna intaa ku daray in maamulka gobolka Banaadir uu dadaal u galay sidii mashaariicda dalka ka socda ay ugu hirgali  lahaayeen sidii loogu tala galay isla markaane aysan dhicin in lacagaha loogu tala galay mashaariicda gobolka Banaadir aysan galin jeebka shakhsiyaad dana gaara leh.

Tame oo hogaaminayey waftiga oo isne saxaafadda la hadlay ayaa sheegay iney tahay markii ugu horeysay ee uu Muqdisho safar ku yimaado,wuxuuna tilmaamay in safarkiisu uu kusoo dhammaaday guul,wuxuuna daboolka ka qaaday in ujeedka safarkoodu uu ahaa sidii dib u dhis loogu samayn lahaa magaalada Muqdisho ee caasimadda Soomaaliya taasoo uu sheegay iney faa’iido u tahay maamulka gobolka iyo shacabka reer Muqdisho.

RBC Radio

Xafiiska Wararka Muqdisho

Use Facebook to Comment on this Post

Gudoomiyaha gudiga maaaliyadda ayaa ku sheegay warbixintiisa iney caqabado adag kala kulmeen intii ay ku hawlanaayeen soo diyaarinta xisaab xirkan ,wuxuuna tilmaamay iney soo aruuriyeen xog badan oo ku saabsan lacagaha ku baxa xafiisyada dowladda federaalka Soomaaliya.

Markii ay gudigu  soo gabagabeeyeen warbixintooda ayaa waxaa dood ku saabsan arinkaas la siiyey qaar kamid ah mudanayaasha baarlamaanka kuwaas oo cabbiray aragtidooda ku aaddan sida ay xukuumadu u maareysay miisaaniyaddii 3-daas bilood oo kala ahaa October,November iyo December ee sanadkii 2012.

Mudanayaasha ayaa dood badan ka keenay sida ay xukuumadu u maareyso iyo halka ay marto lacagaha kasoo xarooda Dekedda weyn ee magaalada Muqdisho oo ay sheegeen in 6 goobood oo kala duwan lagu canshuuro gaadiidka iyo Badeecada kasoo degtay looga qaado ,iyagoona sidoo kale sheegay in garoonka 7 meelood lagu canshuuro waxyaabaha kasoo daga ama ka dhoofa,waxayna tilmaameen inaan la garaneyn halka ay maraan lacagahaasi.

Xildhibaanada ayaa xukuumadda ku dhaliilay ineysan si cad aysan u maamulin Dakhliga kasoo xarooda Dekedda iyo Garoonka,waxayna sidoo kale arin aan la qaadan karin ku tilmaameen in dowladdu aysan Akoon rasmi ah ku lahayn Bandhiga dhexe ee dalka,taa bedelkeedane ay ka doorbideen iney Akoono ka ka furtaan Shirkadaha gaarka loo leeyahay taasoo ay ku tilmaameen arin qalad ah.

Gudoomiye ku xigeenka koowaad ee golaha baarlamaanka federaalka Soomaaliya jaylaani Nuur Iikar oo kulanka soo xiray ayaa sheegay in wasiirku uu hore u hor yimid mudanayaasha baarlamaanka,wuxuuna tilmaamay in waxyaabaha ay mudanayaashu doonayaan iney hor dhigaan wasaaradda maaliyadda ay baarlamaanka ugu xilsaaran yihiin gudiga maaliyadda baarlamaanka si ay u saxaan waxyaabaha ay u arkaan ineysan habooneen habka ay xiligan u socdaan.

RBC Radio

Xafiiska Wararka Muqdisho

Use Facebook to Comment on this Post

Wasaaradda ayaa hore dalka ugu soo xareysay intii badneed Diblamaasiyiintii Soomaaliya u matalayey wadamada Caalamka,Fowziya ayaa ku micneysay go’aankaasi mid lagu hormarinayo siyaasadda dibadda Soomaaliya iyo sidii Safaaradaha looga shaqaalaysiin lahaa dad u qalma oo meteli kara dadka iyo dalka Soomaaliyeed.

Fowziyo Yuusuf Xaaji Aadan ayaa hoosta ka xariiqday iney ku dadaalayaan sidii ay u xoojin lahaayeen Cilaaqaadka ay dowladda Soomaaliya la leedahay caalamka intiisa kale,waxayna tilmaantay iney ku guuleysteen inuusan bannaanaan Kursaastii Soomaaliya ay ku lahayd caalamka.

Waxayna ku nuuxnuuxsatay in hadii la hagaajiyo xiriirka dibadda ee Soomaaliya ay la leedahay adduunka intiisa kale iney taasi sahli doonto in dunidu ay maalgashato khayraadka dalka  Soomaaliya.

Wasiirka arimaha dibadda Soomaaliya Fowziya Yuusuf ayaa dhanka kale soo hadal qaaday dhalinyarada Soomaaliyeed ee ka buuxa xabsiyada wadamo fara badan oo ku yaalla qaaradaha kala duwan ee dunida,waxayna sheegtay iney dalal badan kala hadleen sidii loo sii deyn lahaa maxaabiista Soomaaliyeed ee ku jira xabsiyada dalalkooda.

Waxayna dhalinta Soomaaliyeed ku boorisay iney ka waantoobaan Tahriibka isla markaane aysan naftooda qatar,waxayna ku talisay in lacagaha faraha badan ee Tahriibka uga baxay in dhalinyaradu ay dalkooda uga ganacsadaan maadaaama uu dalka ka dhacay isbedel la taaban karo oo dhanka amniga ah sida ay sheegtay Fowziya Yuusuf xaaji Aadan.

RBC Radio

Xafiiska Wararka Muqdisho

Use Facebook to Comment on this Post

Wasiirkii hore ee arimaha gudaha iyo amniga qaranka dowladii kumeelgaarka Soomaaliya C/samad Macalin Maxamuud ayaa sheegay in khilaafka soo kala dhexgalay hogaamiyaasha alshabaab uu fursad muhim ah u yahay dowladda Soomaaliy,wuxuuna ka codsaday madaxda dalka iney ka faa’iideystaan fursadaasi qaaliga ah sida uu tilmaamay.

C/samad Macalin Maxamuud ayaa sheegay in khilaafka ka dhexjira uu yahay fursadii ugu wanaagsaneed ee suurta galka ka dhigeysa in alshabaab laga cirib tiro gayiga Soomaaliya sida uu hadalka u dhigay wasiirkii hore ee amniga qaranka xukuumadii kumeelgaarka ahayd.

C/samad ayaa tilmaamay iney la gudboon tahay madaxda dowladda federaalka Soomaaliya iney ka faa’iideystaan Khilaafka iyo Tafaraaruqa ka dhexjira alshabaab,wuxuuna hoosta ka xariiqay in alshabaab ay u baahan yihiin dhamaystir yar sida uu hadalka u yiri.

“waxaa muuqda burburkii iyo fashilkii alshabaab,waxaa soo ifbaxaya calaamadihii muujinayey dhamaanshaha alshabaab” ayuu yiri C/samad Macalin Maxamuud,wuxuuna kula taliyey madaxda dalka ineysan iska lumin fursadan qaaliga ah ee ay haystaan.

Wuxuuna intaa ku daray C/samad Macalin Maxamuud in alshabaab ay jabeen,isla markaane waxa kaliya ee u haray ay tahay in laga waayo gayiga Soomaaliya,dhibkoodane ay bulshada Soomaaliyeed ka raysan doonaan sida uu tilmaamay.

RBC Radio

Xafiiska Muqdisho

Use Facebook to Comment on this Post

Xildhibaan Cabdi Barre Yuusuf Jabriil oo ka tirsan mudanayaasha u ololeynaya meel marita Mooshinka ka dhanka ah xukuumadda Soomaaliya ayaa sheegay iney caddaatay in amarkii lagu horjoogsaday kulankii ay Muqdisho ku qabsan lahaayeen uu kasoo baxay xafiiska madaxtooyada qaranka Soomaaliyeed sida uu sheegay.

Xildhibaanka ayaa sheegay inaan la iskaga hari doonin tallaabadaas,wuxuuna tilmaamay in baarlamaanka la horgeyn doono si ay go’aan uga qaataan” Ciddii amarkaas madaxtooyada kasoo bixisay waxaa la hor keeni doonaa baarlamaanka waana lagula xisaabtami doonaa gabood falkaas”ayuu yiri Xildhibaan Cabdi Barre Yuusuf.

Cabdi Barre Yuusuf ayaa sheegay iney talaabadii lagu joojiyey kulanka ay magaalada Muqdisho ku yeelan lahaayeen ay tahay mid meel ka dhac ku ah Xasaanada xildhibaanada baarlamaanka,wuxuuna ku celceliyey inaan loo dulqaadan doonin lagana hari doonin arintaas oo uu ku tilmaamay iney tahay mid dhaawacaysa dowladnimada sda uu hadalka u dhigay.

Xuldhibaanka ayaa xukuumadda hadda jirta ku dhaliilay iney ku fashilantay hawshii loo igmaday ee ay shacabka ka sugayeen,”maaha xukuumad lagu aamino karo masiirka ummadda,waxay gabtay gudashada xilkii la saartay,mana aha xukuumad la jaan-qaadi karta isbedellada dalka ka hirgalaya”ayuu yri Xildhibaan Cabdi Barre.

RBC Radio

Use Facebook to Comment on this Post

Wasiirka Gaashaandhigga dowladda Soomaaliya C/xakiin Xaaji Maxamuud Fiqi ayaa waxaa safarkiisa ku wehlinaya saraakiil ka tirsan ciidamada xoogga dalka Soomaaliya oo ay  ka mid yihiin Gen. Muungaab iyo C/qaadir Macalin Nuur oo ciidanka u qaabilsan dhanka Saadka.

C/xakiin Xaaji Fiqi oo warbaahinta kula hadlay gudaha garoonka diyaaradaha magaalada Khartuum ayaa sheegay in safarkiisu uu ka danbeeyey kadib markii uu casuumaad rasmi ah ka helay dowladda Suudaan gaar ahaan wasiirka difaaca dalkaas.

Fiqi ayaa sheegay inuu wasiirka difaacada dalka Suudaan kala hadli doono sidii uu dalkaasi kaalin libaax leh uga geysan lahaa dib u dhiska la doonayo in lagu sameeyo ciidamada qalabka sida ee Soomaaliya,oo ay socdaan dadaalo la doonayo in dib loogu dhiso cududii ciidanka qaranka Soomaaliyeed,dowladda Suudaan ayaa hore u  ballan qaaday  iney gacan weyn ka geysan doonto dib u dhiska ciidanka qalabka sida ee Soomaaliya.

Dalka Suudaan ayaa ka mid ah wadamada yar ee isgarab taagay ummadda Soomaaliyeed xiliyadii burburka waxaana lagu xasuustaa iney waxbarasho lacag la’aan ah u fidisay kumanaan arday Soomaaliyeed.

RBC Radio

Xafiiska Wararka Muqdisho

Use Facebook to Comment on this Post

Cabdirahman Geelle

Ujeeddo, ahdaaf iyo ka mira dhalinta qorshayaal gaara, iyo siddii lagu gari lahaa badana maaha kuwo kala hara, waxaanse shaki ku jirin in waxkasta oo uu sameeyo aadanuhu aysan ahayn marna kuwo dhamaystiran, sidiii loogu talo galayna u meel mara, taasina waa sifo ugaara Eebbe SWC.

Samaynta iyo dhisidda Dawladda federalka ah ee haysa talada dalka ayaa ah mid muddaba soo kufaa kacaysay, markii danbana gacanta u gashay madaxda maanta dalka majaraha u haysa, oo inta ugu saraysa iyo kuwo badan oo hoosaba aan waxba ku layahayn in soomaaliya laga soo saro godkii ay ku dhacday dabayaaqadii Q.20aad, kuwaas oo aad moodid inay gacanta la galeen nidaam aysan ku kalsoonayn qaadasho iyo ku dhaqan midna.

Haddii aan fududeeyo ujeeddada qoraalkaan, Madaxweynaha Jamhuuriyadda Federalka Soomaaliya, Mudane. Xasan Shiikh Maxamuud, in badan wuxuu sheegay in aysan xukuumadiisu diidaneyn ku dhaqanka habka xukunka baahsan, ee waxna la wadaago waxna lakala leeyahay ee federalism-ka loo yaqaan, hase yeeshee ay adkaatay, siddii iyo goortii uu niddaamkaan u hirgali lahaa, taas oo ah jawaab uu uga fadhiyo ummadda Soomaaliyeed ee habkaan ku heshiiyey iyo intii la fikir ah.

Isuma arko ruux aqoonteed leh, kuna dhaqmay niddaamkaan, dadkana ku dhaama sida ugu habboon ee loo hirgalin karo marka laga reebo in yar oo aan akhristay, ama arkay dalal qaatay kuna dhaqmay, iyo Inta xusan Dastuurka Ku meel gaar ka ah ee Dawladda, balse waxaan igu adkaatay wax la isaga dhagatirayo, wixiilagu dhaarshay xukuumadda sidda, Golaha Shacabka iyo Golaha Fulinta iyo Shakhsi kasta oo igmado Danta Dalka in lagu dhaariyo inuu ixtiraamo, Dhawrana Dastuurka Jamhuriyadda Federalka ee Soomaaliya.

Shaki kuma jiro inay jiraan shakhsiyaad aan ku qancin in soomaalidu ay yeelato xukuumad awoodeedu kooban tahay, qolo walba iyo reer kasta uu samaysto dawlad ugaara oo leh laba calan, kii soomaaliya iyo mid ayada u gaara, taas oo mararka qaar keeni karta in waddanku noqdo ninba wax ku huluban.

Waa gar haddii loo garaabo, waayo soomaaliya waxay ahayd Jamhuuriyad Dimoqraaddi ah, lehna Awood ay ugu babac dhigto Waddamada Deriskaa oo aan marnaba la jeclayn Soomaaliya inay noqoto mid isku taagta cagaheedda sababtana waxaan u dayey akhristayaasha la socda Daljirka dahsoon ee dalka.

Qaybi oo xukun, waa Habraacii ay addeegsan jireen Gumaystayaashi dalka soo galay Bartamihii iyo dabayaaqaddii Q.18aad, taas oo la midah in Maamul Goboleed kasta oo dhisma in sigaara loola macaamilo, laguna qanciyo wixii isaga ula muuqda dangaara, hase yeeshee aan mid guud wax ugu ool.

Ku darsoo dadka taas ku doodaya kama aha soomaali jacayl iyo waddanka awoodiisa in diblo yagleeyo, ee badan koodu waa dadka ay Soomaalidu ka dagi weyday. Waxay arkeen in uu san niddaamkaa ahayn mid ay ka dhex arkayaan Danahooda siyaasaddeed iyo habdhaqanka guracan ee ah in wax kasta oo Soomaali leedahay ay beel ama qabiilooyin gaara sheegtaan, sida Odayasha Soomaaliyeed, culimada Soomaaliyeed, dhalin yaradda Soomaaliyeed, Haweenka Soomaaliyeed, aqoon yahannada Soomaaliyeed, I.W.M. kuwaas oo meel ka dhac ku ah ummad aadan matalin inaad sheegato magacoodda iyo mansabkooda.

Sidda ku cad Dastuurka ku mel gaarkaa ee Jamhuuriyadda Feredalka Soomaaliya, waxaa la qaadatay in waddanka lagu dhaqo habka Gobolaysiga iyadoo la caddeeyey, Laba Gobol iyo Wixii ka badan inay noqon karaan Dawlad Goboleed, iyadoo la tixgalinayo Rabitaanka Shacabka iyo sidda ay ugu qancaan Asaaska Dawlad Goboleedka.

Jamhuuriyadda Federal-ka Soomaaliya, waxaa lagu dhisay Dastuurka Ku meel Gaarkaa ee Ferederali-ah, waxaana lagu doortay Madaxweyne, Golaha shacabka, iyo Xukumaddii uu soo dhisay Wasiirka Kowaad.

Waxyalaha loo igmaday waxaa ugu muhiimsan, inay umadda Soomaaliyeed Dib-uheshisiiyaan, Federalism-kana Hirgaliyaan, baahinta guud ahaan niddaamka Dawliga ah, iyo Dhammaan wixii kale ee dawlad qaran laga filayey, haseyeeshee waxaa badalay taas qod-qodid boogo la dhayey dhawacoodiina la aasay Muddo hore, Hor istaagista Ummadda ayaheedda ka tashanaysa (Jubba land), ku gacansayridda talooyinka dadka caqliga u saaxiibkaa (Puntland), u magacaabidda Guddoomiyaal Gobol dad aan matalin dadka loo dirayo (Hiiraan, Gedo, Jubbada Hoose, Bay, I.M.W), La macaamilidda ummad Soomaaliyeed siddii waddan ajabi ah (Soomaaliland), taas oo ceel dheer kusi ridaysa soo celinta xasiloonidda dalka.

GEBO-GABO.

Mudane Madaxweyne, waddanka maalinba qolaa ka talinaya, shalay kuwii joogay waxay badaleen kuwii dorraad joogay, Adiga iyo xumadda aad manta utalisidna waxaad baddasheen kuwii shalay, yeynaan noqon Kuwo Hoos koodda fiirsha ee aan ahaanno kuwo hortooda fiirsha,

Majirayaan cid waaraysa, ha isku dayin inaad awoodda aad leedahay, aad ku dulmidid qabiil ama qolo gaara, ee waxaad iskudaydaa inaadan qaadan wax aadan xaq ulahayn, Cilmiga hallaguu dhiggee caqliga kaasho baa la yidhi.

Sidda waddanku federal u noqonayo waa caddahay, oo maaha mid aan isweydiino manta, ee waxay ahayd in loo daayo dadkii keenay nidaamka oo ugu horeeyo Madaxweynaha Dawladda Puntland, Dr.C/raxman Sh.faroole, iyo Mudanayaashii kale ee kala soo shaqeeyey Dhamaystirka niddaamkii Kumeel gaar ka aha. Jawaabta hadalka oo fufudna waa udaa dadka hirgalinkara feralism-ka, fikirkaagana dhiibo, taladda dalkana u celi intii kugu dooratay federalism una sheeg inaadan hirgalin karin, waa lagu jeclaan anaa huba, runtaa sheegtay awgeed.

C/raxman Geelle Ciise.
inageelle@yahoo.oc.uk

============================

QORAAGA AYEY U GAAR TAHAY QORAALKAAN LOOMAMA FASIRAN KARO TAN RAXANREEB.COM CIDII RABTA IN AY SI GAAR AH MAQAAL AMA FIKRAD U SOO DIRTO RAXANREEB WAXAA LOOGU SOO HAGAAJIN KARTAA ADMIN@RAXANREEB.COM

Use Facebook to Comment on this Post

Suldaan Maxamed Suldaan Cabdiqaadir waxa uu ka sheekeeyey taariikh dheer oo illaa xornimadii iyo midnimadii Soomaaliya uu kagaga sheekeeyey. Waxa kale oo uu ka sheekeeyey Xukuumadaha kala dambeeyey ee Somaliland soo martay tan iyo markii lagu dhawaaqay gooni-isu-taagga Somaliland 18/May/ 1991-kii. Isaga oo sheegay in caddaalad-darro badani ka jirto dhulka Maamulka Somaliland ka taliyo meelo badan oo ka tirsan.

“Calankani wuxuu ku dhamaystirmi karaa waxaynu dafirsanahay ama xukuumaddeenu diidan tahay waa marka aynu runta ku wada hadlayno, haddii aan miiska wadahadalka la isugu iman wax aynu gooni u goosan karnaa jiri-mayso, shuruudaa jira, qoraalo iyo heshiisyo ayaa jira, adiga ayaa maanta lagaa rabaa inaad shuruuddii la timaado oo aad xukunto ciddii 53-kaa sanadood ku xukumaysay.” Sidaa ayuu yiri Suldaan Maxamed Suldaan Cabdiqaadir oo shalay hadal ka jeediyey magaalada Sallaxlay oo ah degmo ka tirsan gobolka Maroodi-jeex oo uu dadweynaha ku dhaqan oo xusayey 18 May hadal u jeediyey.

Suldaanka oo hadalkiisa sii wataa waxa uu intaa ku daray oo uu yiri; “Maaha inaynu cidlo uun durbaan ka garaacno, haddii aan u soo noqdo xukuumadda Somaliland, wax alaale iyo wax ay u qabatay beelaha Somaliland ma jirto ilaa maantana biyaha ayaa dhabarka lagu dhaameeyaa oo biyo malaha, dadna biyihii dadka ka dhexeeyay ee maalinba xaafad loo furayey ayay ka dhargeen, dadna jirikaamadii Dulcad iyo Kaam-abokor ayay sidii u sidaan.”

“Waxaan leeyahay Xamar waanu ka go’nay hadal maaha, anigu been idiin sheegi maayo, miyeynu ka maarmaynaa Xamar, Ganacsatadeenii Xamar-bay tagaysaa, kuwoodii Hargeysa ayay imanayaan, saraha (Fooqyada) ugu dhaadheer Hargeysa waxa leh niman Hawiye ah, markaa waxa miiska wadahadalka loo diidayaa inyar ayuunbaa doonaysa inay nimcada cunto, taasina wax umaddu ku dhaqmi karayso maaha.”ayuu yidhi Suldaan Maxamed.

Suldaan Maxamed Suldaan Cabdiqaadir mar uu ka hadlayey sababta Calanka Somaliland meel u gaari la’yahay waxa uu yiri; “Calankani wuxuu ku dhamaystirmi karaa waxaynu dafirsanahay ama Xukuumaddeenu diiddan tahay waa marka aynu runta ku wada hadlayno, haddii aan miiska wadahadalka la isugu iman wax aynu gooni u goosan karnaa jiri-mayso, shuruudaa jira, qoraalo iyo heshiisyo ayaa jira, adiga ayaa maanta lagaa rabaa inaad shuruuddii la timaado oo aad xukunto ciddii 53-kaa sanadood ku xukumaysay, maaha inaynu cidlo uun durbaan ka garaacno, haddii aan u soo noqdo xukuumadda Somaliland.

“Wax alaale iyo wax ay u qabatay beelaha Somaliland ma jirto ilaa maantana biyaha ayaa dhabarka lagu dhaameeyaa oo biyo malaha, dadna biyihii dadka ka dhexeeyay ee maalinba xaafad loo furayey ayay ka dhargeen, dadna jirikaamadii Dulcad iyo Kaam-abokor ayay sidii u sidaan, waxaan leeyahay Xamar waanu ka go’nay hadal maaha, anigu been idiin sheegi maayo, miyeynu ka maarmaynaa Xamar.”

Waxa uu Suldaan Maxamed sheegay in Ganacsatada Somaliland aanay marnaba ka maarmi karin Xamar waxaanu yiri; “Ganacsatadeenii Xamar-bay tagaysaa, kuwoodii Hargeysa ayay imanayaan, saraha (Fooqyada) ugu dhaadheer Hargeysa waxa leh niman Hawiye ah, markaa waxa miiska wadahadalka loo diidayaa inyar ayuunbaa doonaysa inay nimcada cunto, taasina wax umaddu ku dhaqmi karayso maaha.”

RBC Radio

Xafiiska wararka ee Hargeysa.

Use Facebook to Comment on this Post

Barnaamijka Carwo Shaqo ayey Shirkaddaha ugu waa weyn Puntland iyo Hay’adaha Kheyriga usoo Bandhigeen ardey gaareysay 300,kuwaas oo muddo Tababar u wadey Rugta Ganacsiga Puntland,waxaana Maalgelinay Hay’adda UNDP.

Guddoomiye Kuxigeenka Rugta Ganacsiga Iyo Wershadaha Dawladda Puntland Maxamed Caydiid Jaamac oo Madasha Khudbad kooban ka Jeediyey ayaa sheegay in

…” Kulanka Carwo Shaqo,waxaan ugu talagalnay ardeyda Shaqada dooneysa oo dhameystay Jaamacadaha iyo Shirkadaha iyo Hay’adaha bixiya Shaqada iney ku kulmaan oo ay isku Weydaarsadaan wixii Xog ah oo qof kasya Xanbaarsan yahay”

….”Sidaas darteed Waxaanu ku dhiirigelineynaa Shirkadaha iyo Hay’adaha iney soo dhaweeyaan ardeyda dhameysataya Jaamacadaha oo u baahan shaqada,kula kulmaan weji furan,u sameeyaan ballanqaadyo fiican oo shaqo,rajo geliyaan lana Yeeshaan Xiriir fiican taas oo kasbi karta in Mooralka ardeygu sare u koco…..”

Guddoomiyaha Guud ee Jaamacadda Muqdisho Dr Cali Shiikh Axmed Abuubakar oo afaka Jaamacadda ku hadlay ayaa sheegay in ay ku faraxsanyihiin in Shaqo abuur loo sameeyo ardeyda Waxbarata isla markaana waxuu ballanqaaday in dhiirigelinta ardeydaas ka qeybqaadan doonaan.

Dr Cali Shiikh Oo Khudbadiisu dhinacyo badan taabaneysay ayaa ka Sharaxay Calaaqada ka dhaxeysa Waxbarashada iyo Wax soo saarka.

Wuxuuna yiri,,,,”"” Calaaqada ka dhexeysa Waxbarashada iyo Wax soo saarka waa Calaaqo aad u weyn weeye waad Ogtihiin Aduunka waxa wax soo saara waaBini’aadam,mar kasta oo Bini’aadamkas tayadiisa kor loo qaado,waxaa qurux sanaata wax soo saarkiisa….”"”ayuu yiri.

Hoggaanka Xiriirka Bulshada ee Shirkadda Golis Faarax Xaaji Mire ayaa Madasha ka Ballanqaaday in Golis maalgelin ku sameyn doonto Company lagu magacaabo Xilwa Fast Food oo wacdaro ka dhigay Carwada, Isagoona Bandhiga kaga qeybqaatay Macmacaan iyo cunto loogu talagalay marti-sharaftii Carwada.

…”"”" Anaga farxad weyn bey noo tahay in Gabdhaha ka ballanqaano in Company-ga Xilwa Fast Food ay Shirkadda Golis Maalgelindoonto aad iyo aad baan ugu mahadcelineynaa dadaalkii ay Sameeyeen iyo Juhdigii badnaa ay geliyeen …”"”ayuu yiri Faarax Xaaji Mire.

Gabagabadii,waxaa Carwada Shaqo soo xiray Agaasimaha Waaxda Wershadaha ee Wasaaradda Ganacsiga Puntland Salaad Aadan Maxamuud oo ku tilmaamay Barnaamij horumar u ah ardeyda Jaamacadaha Puntland.

….” Waxaa farxad noo ah in maanta ay heleen dadkii Waxbartay Barnaamih dhiirigelin u ah oo ah Aqoontoodii iney miraheeda maalaan waa barnaamij lagu farxo,waxay farxad u tahay Rugta Ganacsiga iyo Wasaarada Ganacsiga…”ayuu yiri.

Si kastaba Carawada Shaqo(Job Fair) ayaa noqoneysa tii labaad oo ay qabato Rugta Ganacsiga iyo Wershadaha Dawladda Puntland,waxayna tallaabdan ay fursad siineynaa ardeyda Jaamacadaha ka baxda.

_______________________

Cismaan Turaabi

Use Facebook to Comment on this Post

____________________

Cismaan Turaabi

Use Facebook to Comment on this Post

Wasiirka Amniga Puntland Khaliif Ciise Mudan Oo Gacan Qaadaya Shacab soo dhaweeyey

Boosaaso[RBC Radio] Urur Siyaasadeedka HORSEED Puntland oo maalmahan Olole ka wadey deegaano fog fog oo ay ka baxsan Laamiga sida Ufeyn,Iskushuban,Bali- dhidin iyo Carmo ayaa Soo Gabagabeeyey,Waxaana Hoggaamiyey Wafdiga Xukuumadda Wasiirka Amniga Puntland Khaliif Ciise Mudan.

Waxaa kamid ahaa Xubnaha Wafdiga Wasiirka Amniga Hoggaaminayey Wasiir Kuxigeenka amniga Cabdijamaal Cismaan Maxamed,Wasiir Kuxigeenka Kalluumeysiga Muuse Geele Yuusuf,Guddoomiyaha gobolka Bari ee Ururka Horseed iyo Saraakiil ka tirsan Amaanka.

Wasiirka amniga iyo Xubnaha Socdaalka ku weheliyey ayaa si weyn loogu soo dhaweeyey deegaanada ay tageen,waxaana Ujeedada Socdaalkooda lagu sheegay soo Xulitaanka Ergada Horseed uga qeybgaleysa Gollayaasha Deegaanka,waxayna Xariga si rasmi ah.uga Jareen Xafiisyada Ururku ku Yeelanayo Degmooyinkaas.

Wasiirka Wasaaradda Amniga Dawladda Puntland Khaliif Ciise Mudan oo la hadlay Shacabka degmooyinka Ufeyn,Isku- shuban,Bali-dhidin iyo Carmo ayaa u sheegay in Muhiim ay tahay in laga gudbo Hannaanka Qabaliga ee wax lagu soo doorto loona gudbo Hannaanka Dimuqraadiyada iyo Axsaabta.

…”"”"Xubnaha u matalaya Ururka HORSEED Doorashooyinka Gollayaasha deegaanka Puntland Boqolkiiba 40% ayaa noqon doona Dumar….”"ayuu Wasiirka amniga Khaliif Ciise Mudan.

Guddoomiyaha gobolka Bari ee ururka Horseed Yuusuf Cismaan Ismaaciil oo ka mid ahaa masuuliyiintii la hadlay dadweynaha ayaa sheegay in shuruudaha lagu qaadanayo qofka isu sharxaya Golayaasha deegaanka Puntland ay ka mid yihiin;-

1-In qofku yahay muwaadin ama muwaadinad reer Puntland ah.

2-In uu leeyahay aqoon Maadi iyo DIINI ah.

3-In uu Saddex Milyan oo Shillin Soomaali ah uu dhigo goob loo cayimi doono iyo arrimo kale.

Wasiir ku xigeenka amniga Puntland Cabdi Jamaal Cismaan iyo wasiir ku xigeenka Kalluumaysiga iyo Khayraadka badda Puntland Muuse Geele Yuusuf Farole oo la hadlay dadweynaha ayaa sheegay in dowlada Puntland ay horseed u tahay in laga gudbo nidaamka Qabiilka.

Dadweynaha ku dhaqan Degmooyinka ay socdaalka ku tageen wafdiga uu hogaaminayay Khaliif Ciise Mudan ayaa soo dhoweeyay Urur Siyaasadeedka HORSEED,waxaynaha balan qaadeen in ay ka go’an tahay in door wayn ka cayaaraan geedi socodka looga baxayo nidaamka Qabiilka.

Si kastaba ha ahaatee Urur Siyaasadeedka HORSEED ayaa noqonaya ururkii ugu horeeyay ee socdaal ku taga deegaano fog fog oo ka baxsan Laamiga.

_______________________

Cismaan Turaabi

Use Facebook to Comment on this Post

Xafladdan waxaa ka soo qayb-galay kumanaan kun oo ciidamada qalabka sida oo ku gaashaaman hubka noocyadiisa kala duwan iyo maalaayin qof oo dadweynaha Somaliland ka mid ah oo si wayn u muujiyadda Qaranimadda Somaliland. Shirkadda Telesom ayaa suurto galisay in si toos ah looga daawado gudaha dalka iyo daafaha aduunka Xafladda 18 May 2013 oo ka socotay xarunta madaxtooyada maalinimadii iyo habeenimadii.

Shirkadda Telesom ayaa suurto galisay in si toos ah looga daawado xafladda 18 May guud ahaan dalka oo dhan iyo Caalamka iyadoo adeegsatay Telafishanada iyo  shabakadaha wararka. Dhank kale dhamaan xarumaha shirkadda Telesom ay ku leedahay goboladda dalka ayaa si wayn loogu soo bandhigay astaamaha 18 May. Sidoo kale waxa baddi la fasaxay shaqaalaha shirkadda Telesom marka laga reebo tiro kooban oo heegan ugu jiray in ay bulshadda u fidiyaan adeegyadda aasaasiga ah ee dadweynuhu u baahan yihiin. Shirkadda Telesom waxay sidoo kale samaysay qiimo dhimis 50%, taas oo u suurto galisay in bulshaddu si fiican oo hufan u wadda hadli karaan.

Shirkadda Telesom waxaa kale oo ay xoogga saartay oo  ay kor u qaaday tayadda isgaadhsiinta iyo adeegyadda kale  ee ay shirkaddu bulshadda weynta Somaliland u fidiso, waxaanay bulshaddu si wayn uu la dhaceen adeegyadaa shirkadda Telesom. Dadweyne aad u tiro badan ayaa si fudud oo xawaarihiisu sareeyo uga daawanaayey xuska 18 May mareegaha wararka iyo shabakaddaha bulshadda sida facebook-ga oo ay dadku links live-ka ah ay iska waydaarsanaayeen.

Maamule Ku-xigeenka Waaxda Xidhiidhka Dadweynaha iyo Suuq-gaynta ee shirkadda Telesom Muddane Maxamed Cabdi Darbo ayaa ka waramay dareenkiisa ku saabsan xuska dabaal-degga maalinta 18 May iyo sida Shirkadda  Telesom uga qayb qaadatay baahinta maalintan isagoo ka waramaya waxaa u yidhi, “Run ahaantii maanta shucuurtaydu aad bay u kacsan tahay, waa maalin si wayn loo xusay. Waa maalin aan loo kala hadhin oo shacabkeenu si wayn uga soo qayb galay. Shirkad ahaan waxaanu u hambalyeynaynaa shacbiga Somaliland ee u soo baxay xuska sanad-guuradda 22-aad ee 18 May anagoo u rajaynayna ictiraaf iyo horumar lagu badhaadho. Shirkaddu si ay ula qaybsato dareenka shacbi weynaha Somaliland ee ku kala nool dunida oo dhan, waxaanu u suurto galinay in ay si toos ah ula socon karaan xuska 18 May dhinacyada Telefishanada iyo shabakadaha wararka. Sidoo kale waxaanu ku dadaalnay in aanu xoojino adeegyaddii kale duwaan ee xaga Internet-ka, ZAAD-ka iyo xaga hadalkaba. Si aanu bulshadda ugu fudaydino hawlaha culusayska badan ee ay maalintan oo kale leedahay”.

Barnaamijyadda baahinta Tooska ah ayaa inta badan saamayn ku yeesha isticmaalka Internet ee bulshada balse shirkadda Telesom arintaasi way ka hor tagtay, waxaanay suuro galisay in si toosa ahna loo daawo, sido kalena ay bulshadu hesho internet aan hakad iyo dib u dhac toona aan galin hawl maalmeedkooda muhiimka ah.

RBC Radio

Xafiiska wararka ee Hargeysa.

Use Facebook to Comment on this Post

Madaxda Dawlada Puntland

Boosaaso[RBC Radio] Madaxweyne Kuxigeenka Dawladda Puntland Gen Cabdisamad Cali Shire ayaa Guriga Madaxtooyada Puntland ee Boosaaso Kulan kula qaatay Qaar kamid ah Culimada iyo Waxgaradka Puntland.

Kulanka oo Saacado Socday ayey labada dhinac isuku dhaafsadeen tallooyin,arrimaha Jubbaland iyo Xaalada xiligaan ay mareyso Puntland,waxaana la isla in si wadajir ah wax looga qabto Xaaladda Puntland.

Dhanka Xukuumadda Puntland ayaa kulanka,waxaa goobjoog ka ahaa Wasiirka Amniga Khaliif Ciise Mudan,Wasiirka Arimaha Gudaha Cabdullaahi Axmed Jaamac,Wasiir Kuxigeenka Kalluumeysiga Muuse Geelle,Guddoomiyaha gobolka Cabdisamad Maxamed Gallan iyo Duqa Boosaaso Xasan Cabdalla Xasan.

Qaar kamid ah Waxgaradka Puntland

Madaxweyne Kuxigeenka Dawladda Puntland Gen Cabdisamad Cali Shire oo Saxaafada Warbixin kooban siiyey Saxaafada ayaa sheegay in labada dhinac Qodobadii ay kawada arrinsadeen si fiican la isugu afgartay isla markaana ay Ugu Muhiimsanayaayeen:

01. Ilaalinta Amniga Puntland.

02. Taageerida Jubbaland.

03. Dimuqraadiyada.

04. Iyo arrimo badan oo khuseeya Aayaha Puntland.

…”"” Waxaan la kulanay Issimada ku sugan magaalo Madaxda gobolka Bari.Nabadoonada iyo Culima’udiinka iyagana waxaanu ka hadalnay Xaalado ay hormuud u ahaayeen,arrimaha amniga ay ugu weyneyd runtiina waxanu isla qaadanay amnigu inuu bulshada oo dhan dan u yahay qof kastaana kaalinta uu ku eeyahay uu ka qaato….”"”ayuu yiri Gen Cabdisamad.

Madaxweyne Kuxigeenka Dawladda Puntland Gen Cabdisamad Cali Shire

Waxa uu sheegeay Madaxweyne Kuxigeenka Puntland Gen Cabdisamad Cali Shire in dhanka Culima’udiinka Puntland ee ku sugan Boosaaso isla qaateen Tallooyin badan oo labada dhinac soo Jeediyeen isla markaana laga wada ballamay in la iska kaashado adkeynta Amaanka guud ee Puntland.

….”"” Waxaa halkaas nagala soo qeybgalay Culima’udiinka ku sugan magaalada Boosaaso iyaguna runtii talladaas waa nala qaateen,waxaanuna go’aansanay wax alaale wixii Carqaladeynaya ama Xumaan ku keenaya amniga magaalada iyo guud ahaanba gobolka iyo gaar ahaanba Puntland in meel looga soo wada jeesto….”"”ayuu yiri.

Halkan ka Dhageyso Shirka Jaraa’id ee Gen Cabdisamad Cali Shire Guji Halkan

Dimuqraadiyadda Puntland.

Madaxweyne Kuxigeenka Dawladda Puntland Gen Cabdisamad Cali Shire oo ay hareer fadhiyeen Xubno kamid ah Golihiisa Wasiirada ayaa Carabaabay in Waxgaradka iyo Culimada isla soo qaadeen kana Wadahadleen arrimaha dhanka Siyaasada gaar ahaana Hannaanka Dimuqraadiyada ay Xukuumadu wado.

Qaar kamid ah Culuma’udiinka Puntland

…”"” Waxaan kala hadalnay in maanta dawladu ay bulshada u gudbineyso Marxalad Siyaasadeed oo cusub oo hore aan Waayo aragnimo loogu lahayn hase ahaatee loo baahanyahay in lagu dhiirado si looga baxo Nidaamkii Qabaliga ahaa looguna gudbo Hab Dimuqraadi ah,,,,,”"ayuu yiri,

Si kastaba Madaxweyne Kuxigeenka Dawladda Puntland Gen Cabdisamad Cali Shire iyo Xubno kamid ah Golaha Wasiirada Puntland ayaa maalmahanba wadey kulamo kala duwan oo ay la Yeelanayeen Qeybaha Bulshada,waxaana kulamadaasi ay noqdeen dhamaanba kuwa la isku afgartay la isna weydaarsaday Tallooyin.

_____________________________

Cismaan Turaabi

Use Facebook to Comment on this Post

Xeer ilaaliyaha Maxkamada Darajada 1aad ee gobolka Bari Bashiir Hoobaley oo Maxkamada ka hor akhriyey eedeynta Kalluumeysatada Iiraan ayaa sheegay in muddo si sharci-daro ah uga Kalluumeysanayeen Xeebaha Puntland isla markaana uu ka Codsanayo Maxkamada in laga qaado tallaabo adag.

Qaar kamid ah Naakhuudayaasha Doonyaha Kalluumeysi ee u dhashay dalka Iiraan oo iyaguna Maxkamada ka hadlay ayaa sheegay in Biyaha Badda Puntland uga Kalluumeysanyeen si sharci-daro ah balse aysan geysan dil,taas oo ay kusoo eedeeyeen Ehelada Kalluumeysato reer Puntland ah.

Guddoomiyaha Maxkamadda Darajada 1-aad ee gobolka Bari Shiikh Aadan Shiikh Axmed Sandheere oo ku dhawaaqay Xukunka Maxkamada ayaa sheegay in ganaax kala duwan ku rideen Doonyaha,Baxaarida,Naakhuudayaasha iyo Hubka saarnaa Doonyaha Kalluumeysatada reer Iiraan.

Halkan ka dhageyso Codka Guddoomiyaha Maxkamada Shiikh Adam Guji Halkan

Guddoomiyaha Maxkamadda Darajada 1-aad ee gobolka Bari Shiikh Aadan Shiikh Axmed Sandheere .

Doomyaha.

Shanta doonyood ee kalluumeysi ayey Maxkamadu ku xukuntay midkiiba in laga bixiyo Boqol kun oo doolar taasoo lagu bixin doono muddo dhan 45-maalmood gudahood haddii lagu bixin-waayana ay Dawladda Puntland la wareegeyso.

…”"” Maxkamadu waxay Xakuntay Doonyahaas Kalluumeysanaya,waxay ku xukuntay midiiba ganaax dhan 100,000 oo Dollar oo ay ku bixinayaan 45-casho haddii ay ku bixin-waayaana Doonyahaas ay la wareegeyso Dawladda Puntland.

Naakhuudayaasha Doonyaha.

..”" Maxkamadu sidoo kale waxay ku ganaaxday ganaax dhan midkiiba 5.000 Doolar in uu ku bixiyo mudadaas loogu bedeli doono Xabsi u dhigma,..”"”ayuu yiri.

Baxrida.

..”"Baxrida Doonyahaas saaran sidoo kale Maxkamadu iyaguna waxay ku xukuntay ganaax  dhan midkiiba 2.000 Doolar oo ay ku bixinayaan mudadaas haddii ay lagu bixin-waayo loogu bedeli-doono Xabsi…”"”ayuu yiri.

12-nin Soomaalida ah

…”"” 12-nin ee Soomaaliga ah iyagana sidoo kale,waxaa lagu xakumay ninkiiba 1.000 Doolar, oo ganaax ah haddii uu bixin-waayana isaga sidoo kale waxaa loogu badelayaa Xabsi sida uu qabo Qodobka 189….”"”ayuu yiri.

Qoryaha.

…”"” Qoryaha iyo kalluunka saaran Doonyaha dhamaan Maxkamadu waxay u xukuntay iney la wareegto Dawladda Puntland….”"”ayuu yiri.

Magacyada Naakhuudayaasha Doonyaha Kalluumeysi.

01. Maxamed Yoonis Cabdalle.

02. Cabdikariin Cali Maxamed

03. Ismail Fakiir Maxamed.

04. Cabdikariim Cabdirixmaan Cabdalle.

05. Aslam Ciise Jalaal.

Si kastaba Maxkamada Darajada 1-aad ee gobolka Bari Xukunada ay maanta riday ayaa ku eeg sida ay Guddoomiyuhu sheegay muddo dhan 45-maalmood gudahood ku dhaqangalayo.

___________________

Cismaan Turaabi

Use Facebook to Comment on this Post

Muqdisho(RBC Radio) Dowladda Soomaaliya ayaa ka hadashay go’aankii uu maamulka Soomaaliland uga mamnuucay iney duullimaad ku sameeyaan garoomada ku yaalla deegaanada uu ka arimiyo maamulka Soomaaliland Diyaaradaha Qaramada Midoobe warsaxaaafadeed kasoo baxay  wasiirka warfaafinta xukuumadda Soomaaliya C/laahi Ciil-mooge xirsi ayaa lagu sheegay in go’aankaasi uu ahaa mid aan habooneyn.

Wasiirka yayaa sheegay in dowladda dhexe ee federaalka Soomaaliya ay ka xuntahay  Xayiraada ay Soomaaliland kusoo rogtay duullimaadyada Qaramada Midoobe,wuxuuna tilmaamay iney ka raali galinayaan Qaramada Midoobe tallaabadaasi,wuxuuna warsaxaafadeedkiisa ku sheegay wasiirku in tallaabadaasi ay ka hor imaaneyso xeerka Duullimaadyada Qaramada Midoobe.

” Dowladu waxa ay iftiimineysaa qiimaha iyo ahmiyadda hawlaha Bini’aadaninimo ee Qaramada Midoobe ka hayaan Soomaaliya,maamulka hawadu siyaasad lama xiriiro,dowladdu diyaar ayey u tahay iney Soomaaliland wada hadal kala gasho arinkaas iyada oo la dhowrayo jiritaanka qaranimada Soomaaliyeed”ayaa lagu yiri warsaxaafadeedka wasiirka warfaafinta Soomaaliya C/llaahi Ciil-mooge Xirsi.

Maamulka Soomaaliland ayaa Diyaaradaha Qaramada Midoobe ka mamnuucay deegaanada uu ka arimiyo kadib markii uu ka carooday go’aankii ay Qaramada Midoobe dowladda Soomaaliya ugu wareejisay maamulka hawada Soomaaliya.

RBC Radio

Xafiiska Wararka Muqdisho

Use Facebook to Comment on this Post

Garoowe (RBC RADIO) Ururada Siyaasada Puntland iyo Gudiga Doorashooyinka ee KMGKa ah oo ku kulmay Xarunra Cilmi Baarista ee PDRC ee Magaalada Garoowe ayeey uga wada hadleen arimo ay ka mid tahay dib u dhigista xiliga ay qabsoomeyso Doorashooyinka Golaha Deegaanka ee Puntland kadib markii Madaxweynaha Puntland oo la tashi ay la sameeyeen Gudiga doorashooyinka uu Qoraal kusoo saaray in waqtigii Doorashada dib loo dhigay maalmo.

Gudoomiyaha KMGka ah ee Doorashooyinka Puntland Maxamed xasan Barre ayaa si cad u sheegay in Doorashooyinkii Golaha Deegaanka ee la filayay in la qabto 30ka June ee bisha soo socota lagu daray 15maalmood oo Doorashadu ay qabsoomi doonto 15ka July waxaana qiil looga dhigay Sababta Arintaasi kadib markii Ururadu ay dalbadeen in 15maalmood  loogu daro Xiliga Soo gudbinta liiska Musharixiinta uga qayb galeysa Urur walba Gobolada Puntland ee dhanka Golaha Deegaanka, wuxuuna sheegay Gudoomiyuhu in Madaxweynaha uu Qoraal kusoo saaray in xiligaasi ay dhicidoonto Doorashooyinka Golaha Deegaanka Sidaana looga warqabo.

Dhawaan ayeey ahayd markii dib loo dhigay qabashada Liiska Musharixiinta Golaha Deegaanka u mataleysa Ururada Siyaasada Puntland kadib codsi ay Ururadu soo jeediyeen hadana waxaa dib loo dhigay Xiliga ay doorashadu dhacayso oo 15maalmood lagu kordhiyay lagana dhigay 15ka Jully ee isla Sanadkan.

RBC RADIO
Xafiiska Wararka Garoowe.

Use Facebook to Comment on this Post

Muqdisho(RBC Radio) Hay’adda Nabadsugidda qaranka Soomaaliyeed ayaa iska fogeysay iney ku lug leedahay cabasho kasoo yeertay mudanayaal ka tirsan baarlamaanka Soomaaliya kuwaas oo sheegay in kulan qado ah oo ay ku yeelan lahaayeen mid ka mid ah Hoteelada magaalada Muqdisho ay iska hortaageen ciidamada Hay’adda Nabadsugidda qaranka Soomaaliyeed.

Agaasimaha guud ee hay’adda Nabadsugidda qaranka Gen. Bashiir Maxamed Jaamac Bashiir “Goobe” oo maanta shirkiisii Jaraa’id ee ugu horeeyey tan iyo markii loo magacaabay xilkaas xarunta Nabadsugidda wariyaasha ugu qabtay ayaa sheegay in Hay’adda Nabadsugiddu aysan wax lug ah ku lahayn eedda loo jeediyey ee ku saabsan iney mudanyaal Muqdisho ku shiri lahaa ay ka hor istaageen kulankooda.

Gen. Bashiir Goobe ayaa sheegay in shaqada iyo masuuliyadda Hay’adda Nabadsugiddu ay tahay ilaalinta Karaamada iyo amniga madaxda dalka,wuxuuna tilmaamay iney ogsoon yihiin in mudanayaasha baarlamaanku ay yihiin Hay’adii ugu sareysay dalka,wuxuuna meesha ka saaray iney arimahaas oo kale aysan iyaga u cuntameyn iney kula dhaqaaqaan sida uu tilmaamay.

Agaasimaha Nabadsigidda ayaa codsaday in mudanayaashu ay iska hubiyaan sida uu u dhacay falkani iyo cidda sida rasmiga ah uga masuulka ah si aan meel looga dhicin sharafta iyo karaamada Hay’adda Nabadsugidda qaranka.

Gen. Bashiir Maxamed Jaamac ayaa sheegay in hadafka ugu weyn ee Hay’addu uu yahay in shacabka Soomaaliyeed ay gaarsiiyaan nabad iyo xorriyad ay ku naaloodaan,hadalka agaasimaha Nabadsigidda ayaa kusoo beegmaya xili ay xildhibaano ka tirsanbaarlamaanka Fedraalka ay  ciidanka Nabadsugidda ku eedeeyeen iney iska hortaageen kulan ay Muqdisho ku yeelan lahaayeen maalinimadii shalay.

RBC Radio

Xafiiska Wararka Muqdisho

Use Facebook to Comment on this Post

 

Garoowe (RBC RADIO) Haween ka kala yimid Gobolada Puntland kana Ganacsada Qaadka iyo Masuuliyiinta Wasaarada Haweenka Puntland ayaa kulan ugu soo gabagaboobay magaalada Garoowe,Kulankan oo 2maalin socday kutalagalkiisu wuxuu ahaa ogaanshaha baahiyaha dhabta ah ee haweenka ku kalifay in ay wadooyinka ku gadaan Qaadka iyadoo xiliyada qaar ay dhibaatooyin  kala kulmaan.

Haweenka ka Ganacsada Qaadka ayaa sheegay in ay ku sugan yihiin duruufo adag ayna quudin ka sugayaan Caruur aabohood uusan u shaqayn, raashin wax barasho caafimaad iyo waxtar guudba ka sugaya iyaga sidaa darteedna markii ay waayeen wax ay qabtaan dantu ku kaliftay in ay shaaricyada qaadka ku gadaan, hadiise ay jirto  fursado kale ay jecelyihiin in ay joojiyaan gadista jaadka.

Wasiirka Haweenka iyo Arimaha Qoyska Puntland Marwo Xaliimo Xaaji Xasan oo kulanka soo xirtay waxay sheegtay in ay walaac ka qaado markii ay aragto gabar soomaaliyeed oo laamiga bartankiisa qaadka ku gadaysa balse waxay wasiiradu sheegtay in ay dan u geesay laakiin aysan ahayn wax ay gabdhuhu iska jecleysteen.

“ waxaan is weydiinay hablaha maxaa ku sababay in ay qaad ii biyaan waxaana soo baxday duruuf in ay keentay, waxaan kaloo is weydiinay  hadii ay mihnad kale ay helaan ma iska deynayaan jawaabtu waxay noqotay Haa, sidaa darteed waxaan go’aansaday in Haweenka aan u dagaal takno siiba kuwa qaadka iibiya, sidaad la socotaan qaadka raga ayaa iibin jiray Dumarkana guryaha ayeey joogi jireen hada Qaadka dumarka ayaa iibiya, waxaan aaminsanahay in baahi dhankasta leh ay haweenku u geesay in ay qaad iibiyaan tacadiyo badanah loogu geysto inta ay iibineyso sidaana waxaa yiri Wasiirka Haweenka Puntland Marwo Xaliimo Xaaji Xasan.

Waasir Xaliimo waxay sheegtay in Haweenka inta ay qaadka iibinayaan ay la kulmaan Dil dhac handadaad joogto ah iyo Bahdilaad sidaa darteedna ay qorsheeneyso Wasiiradu inaysan Haween dabe qaad gadin  laamiyadana la fariisan sida ay hadalka u dhigtay Wasiiradu.

Masuuliyiinta Wasaarada ayaa sheegay in ka hortaga arintan iyo ka dhabeynteedaba ay kala kaashan doonaan hay’adaha caalamiga ah iyadoo Xirfado loo heley Haweenka Puntland loo badin doono Hooyooyinka Qaadka iibiya si looga mashquuliyo wax yaabaha kale oo ay ku hawlan- yihiin, Waxaana Wasaarada Haweenka Puntland ay dhawaanahan  wadaa Dadaalo badan oo dumarka u gaar ah kaasi oo la xiriira  arimaha Doorshooyinka Golaha deegaanka PUntland, Tababarida Dumarka, Wacyigelintooda ,u qareemidooda, iyo waliba Qalabeyntoodaba.

RBC RADIO

Xafiiska Wararka Garoowe.

Use Facebook to Comment on this Post

Garoowe (RBC RADIO) Wasaarada Xanaanada Xoolaha Puntland ayaa Gobolada Puntland u kala dirtay Dhaqaatiir kor u dhaafaya 100  kuwaasi oo Hawlgal isugu jira Talaalid iyo daweyn ku sameyn doona Xoolaha ku nool miyiga si looga hortago Cuduro badan oo asiiba Xoolaha Xiliyada qaar kaasi oo suurta gal ay tahay in ay kala qaadaan hadaan laga gaarin oo ka hortag aan la samayn,Qorshaha Kooxdan ayaa ah in ay Talaalaan 4Malyan oo Neef halka sidoo kale ay Daweynayaan in ka badan 6000 (Lix Boqol oo Kun oo Ari ah).iyadoo ay iska kaashanayaan hawshan Wasaarada Xanaanada Xoolaha iyo Hay’ada FAO.

Wasiiro ka tirsan Dowlada Puntland oo ay ka mid yihiin Wasiirka Warfaafinta iyo Wasiirka Deegaanka oo Madasha ka hadlay waxay ka codsadeen Dadka reer miyiga ah in ay gacmo furan kusoo dhaweeyaan dhaqaatiirta si loo helo xoolo caafimaad qaba iyagoo booriyay in wada shaqayn iyo is faham ay dhex marto 2da dhinac si loo gaaro ahmiyadii Barnaamijkan laga lahaa.

Wasiir ku xigeenka Wasaarada Xanaanada Xoolaha ahna Kusimaha Wasiirka C/Wali Xirsi Nuur ayaa sheegay in kooxdan Dhaqaatiirta ah ay 20 koox ka kooban yihiin hawshooduna ay socon doono 60 Maalmood waxyaabaha Xoolaha laga daweynayona ay ka mid yihiin Furuqa iyo Jadeecada intii Hawlgalkan uu socdana la mari doono Magaalo Tuulo ilaa miyiga Fog si loo hubsado xaalada dhabta ah oo Xoolaha deegaanku ay ku sugan yihiin kadibna la daweeyo ama la talaalo ayuu yiri wasiirku.

Wuxuu kaloo wasiirku xusay in loo baahan yahay Dulqaad xiliga ay Hawshu socoto lagana doonayo Dhaqaatiirtu in ay u sabraan wax yaabaha diidmada ah oo ay xiliyada qaar kala kulmaan dadka reer Miyiga ah ee aana qoonta dheeraadka ah u lahayn daweynta Xoolaha, wasiirku wxuu kaloo xusay in Deegaanada qaar ay Cabasho ka timaado kaasi oo la xiriira in aan la gaarsiin dawada ama dhaqaatiirtu ay Hawl fududeysi sameeyaan isagoo sheegay in arintaasi ay Wasaarada Dabagal ku samayn doonnto loona baahan yahay in Waajibaadka la saaray dhaqaatiirta ay sidii la rabay u gutaan.

Gudoomiyaha Baarlamaanka Puntland C/rashiid Maxamed Xirsi oo Kulanka soo xiray ayaa sheegay in Waqtigii loo baahnaa ay arintan timi Xooluhuna ay dan weyn ugu jirto Dadka iyo Dalka Soomaaliyeed ayna tahay wax waajib ah in caafimaadkooda laga warhayo, wuxuu gudoomiyuhu u rajeeyey in Shaqadooda sidii la rabay ay ugu soo dhamaato Dhaqaatiirta isagoo kula taliyay in ay shaqadooda sii laba jibaaraan,

Ma ahan markii ugu horeesay oo Wasaarada Xanaanada Xoolaha ay Koox Caafimaad u dirto dhanka miyiga waxaana jira sida dadka saadaaliya arimaha Caafimaadka Xoolaha  Kahortag badan oo ay wasaaradu sameesay ay ku badbaadeen Xoolo badan oo u nugulaa cuduro kala duwan.

RBC RADIO

Xafiiska Wararka Garoowe.

Use Facebook to Comment on this Post

Ciidamanka oo tiradoodu gaareyso ilaa 2-Kun oo askari ayaa waxaa uu muddo dhowr bilood ah tabar uga socdaa Xerada Jaziira,waxaana bixiya tababarka ay qaadanayaan Macalimiin Soomaali ah,ciidanka ayaa maanta soo bandhigay xeeladaha dagaalka,furfuridda hubka iyo gaadda ka ciyaar aad u qurux badnaa.

G/sare Faadhe Jaamac Kaarshe oo ah taliyaha xerada Jaziira 2 oo warbaahinta kula hadlay goobtii ay ciidamadu ka samaynayeen dhoollatuska ayaa sheegay iney  tababarka ciidanka ugu hormariyeen Jimicsiga,gaardiga,barashada hubka fudud ,tabta dagaalka iyo dhisida aqlaaqda ciidamada.

Wuxuuna tilmaamay inuu dhamaaday waqtigii ciidamada dowladda loo daabuli jiray dalalka shisheeye si loogu soo tababaro,wuxuuna hoosta ka xariiqay iney ku rajo weyn yihiin iney soo saaraan ciidan dhan walba ka dhamaystiran.

Qaar kamid ahaa dhalinyaradii ka tirsanaa ciidamada xoogga dalka oo warbaahinta la hadlay ayaa ka warbixiyey waxyaabaha ku dhaliyey iney ku biiraan ciidamada qlaabka sida ee Soomaaliya,waxayna tilmaameen iney ka go’an tahay u adeegida dadka iyo dalka Soomaaliyeed,waxayna daboolka ka qaadeen iney soo nooleyn doonaan sharaftii ciidanka xooga dalka.

Ciidamadan ayaa sheegay iney soo celin doonaan xiriirkii shacabka kala dhexeeyey ciidanka qalabka sida ee dalka oo ay dhaawaceen kooxo caadeystay dil,kufsi iyo dhac ay shacabka u geystaan kuwaas ku abtirsada ciidanka xoogga dalka Soomaaliya.

Use Facebook to Comment on this Post

Muqdisho(RBC Radio) Waftigii ka socday baarlamaanka Carab ee labadii maalmood ee ina dhaafay booqashada ku joogay magaalada Muqdisho ayaa maanta dalka ka ambabaxay,waftiga ayaa maanta barqadii ka duulay garoonka diyaaradaha Aadan Cadde ee magaalada Muqdisho.

Gudoomiye kuxigeenka koowaad ee golaha baarlamaanka Soomaaliya Jaylaani Nuur Iikar oo sii sagootiyey waftigii uu hogaaminayey gudoomiyaha baarlamaanka Carbeed  ayaa sheegay iney waftiga baarlamaanka Carabtu ay ballan qaadeen iney shirka baarlamaanka Carabta horgeyn doonaan waxyaabihii ay kuy arkeen magaalada Muqdisho.

Wuxuuna tilmaamay in shirka Carabta oo ka furmaya dalka Kuweyt bisha June ee sanadkan ay waftiga soo gaaray magaalada Muqdisho Baarlamaanka Carabta uga warbixin doonaan waxyaabihii ay dalka Soomaaliya kusoo arkeen,wuxuuna daboolka ka qaaday iney u ballan qaadeen iney Soomaaliya wax badan ka caawin doonaan.

Axmed Maxamed Jarwaan ayaa saxaafadda u sheegay intii uusan ka ambabixin garoonka diyaaradaha magaalada Muqdisho ayaa sheegay in magaalada Muqdisho ay ku tallaabsatay horumar dhinacyada dhaqaalaha,siyaasada iyo amniga ah.

Wuxuuna sheegay inuu ku rajo weyn yahay in dowladda Soomaaliya ay sida ugu dhaqsaha badan usoo ceshato kaalintii ay caalamka iyo wadamada Carbeed ku lahayd,wuxuuna ballan qaaday in baarlamaanka Carabtu uu diyaar u yahay inuu garab taago walaalahooda Soomaaliyeed.

RBC Radio

Xafiiska Wararka Muqdisho

Use Facebook to Comment on this Post

Nairobi(RBC) Wararka naga soo gaaraya magaalada Nairobi ee caasimadda dalka Kenya  ayaa ku waramaya in halkaas uu ka dhacay hawlgal saacado badan qaatay oo ciidanka amniga dalka Kenya ay kudoonayeen iney kusoo qabteen nin ay uga shakiyeen inuu ka tirsan yahay kooxaha argagixisada kaasoo sida boolisku sheegay qorsheynayey weeraro argagixiso oo uu ka geysto magaalada Nairobi.

Ciidanka Kenya oo gurigan Ninkani uu ku jiray ka waday hawlgal qaatay 8 saavadood oo xiriir ah ayaa ugu danbeyntii Saaka aroortii toogtay Ninkan ay ku sheegeen iney ku tuhunsan yihiin inuu ka tirsanaa kooxaha argagixisada ah iyo xaaskiisa,kadib markii uu ka dhega adayga inuu isa soo dhiibo dagaalne uu kala horyimi ciidankii ku hawlanaa soo qabashadiisa.

Booliska ayaa sheegay in Ninka la dilay uu iska caabbiyey ciidamada booliska Kenya isla markaane uu dhaawac gaarsiiyey 6 ka tirsan ciidankii ka qayb qaatay hawlgalka lagu dilay kadib markii uu Bambaanooyin dhowr ah kusoo tuuray ciidankii ku hawlanaa iney gacanta kusoo dhigaan,taasoo keentay iney ciidamadu toogtaan markii ay u suurta gali weysay iney nolol kusoo qabtaan.

Saraakiisha booliska Kenya ayaa sheegay in guriga Ninkan laga helay walxaha qarxa iyo Bambaanooyinka,waxaana ninka saaka la toogtay lala xiriirinayaa  Elgiva Oliacha Bwire oo maxkamad ku taalla Kenya ay xabsi Daa’in ku xukuntay sanadkii 2011 kadib markii lagu helay inuu ka danbeeyey qaraxyo khasaare geystay oo ka dhacay gudaha magaalada Nairobi.

gudaha dalka Kenya ayaa waxaa kusoo banayey weerarada ka dhaca gudaha dalkaas kadib markii ay xukuumada Nairobi go’aansatay in ciidankeeda ay usoo dirto gudaha dalka Soomaaliya si ay ula dagaalamaan alshabaab oo ay Kenya sheegtay iney qatar ku yihiin amniga gudaha dalkeeda.

Use Facebook to Comment on this Post

Nairobi(RBC) A Somali government delegation visiting in Nairobi last month, after
getting invitation from an international prestigious organization, the
American International Labor Solidarity center survived from a
terrorist plot, according to Somali government officials.

The plot which was organized by a man identified as Omar Faruk Osman
Nur, after informing  the Kenyan police that members from Shabab
terrorists or pirates were invited to Kenya. Fortunately, the Kenyan
police were not hasty, but after conducting swift investigations, the
results did not match with the information provided by the Somali
informant. Further interventions to foil the groundless information
were made by the COTU-Kenya.

The delegation, comprising ten individuals from the directorate of
Labor, Youth and Sports of the Somali ministry of Social Services were
invited to Kenya to develop an independent Somali labor law for the
first time in more than two decades with the support of the American
Solidarity Center.

A letter addressed to the Somali National security Agency and the
Somali police, department of the Criminal Investigation Department
(CID) asking for prompt investigations against Omar Faruk Osman Nur
and his links with the terrorists, following his attempted government
attack in Nairobi Kenya in April.

However, the Djiboutian government reacted and rejected a  meeting
which Mr. Nur scheduled to hold in Djibouti after inviting unknown
individuals from Somalia. But unfortunately, he transferred the
meeting canceled by the Djiboutian government to Addis-Ababa
facilitated by  a man identified as Anteneh Abrahman who is the ENJU
president. But, the question is does Anteneh Abrahman assessed the
risk he is transporting to his country Ethiopia?.

Use Facebook to Comment on this Post

Gaalkacyo(RBC Radio) Maamulka Galmudug ayaa amaro ka soo saaray qaabka ay u dhacayso Imtixaanka Shahaadiga ah ee dugsiyada hoose iyo Sare ee ku yaalla deegaanada uu maamulkaasi ka arimiyo,xili uu shalay deegaanada Galmudug si rasmi ah uga bilowday Imtixaanka Shahaadiga ah ayaa waxaa amaro ku saabsan siyaabaha ay ardeydu u galeyso imtixinaadkaas soo saaray wasaaradda waxbarashada iyo barbaarinta Galmudug.

Wasiirka waxbarshada iyo barbaarinta maamulka Galmudug Maxamed C/qaadir Xaashi oo warbaahinta la hadlay ayaa ka digay Musuqmaasuq uu sheegay in dugisyada waxbarashada qaarkood ay ku sameeyeen habka uu u dhacayo Imtixaanka kama danbeysta ah ee dugsiyada Dhexe iyo Sare.

Wuxuuna tilmaamay iney amar ku bixiyeen hadane ay celinayaan in tallaabo adag laga qaadi doono ciddii isku dayda iney wax isdaba marin ku samayso qaabka loo qorsheeyey iney u dhaco qaadista Imtixaanka Shahaadiga ah ee dugsiyada ku yaalla deegaanada uu ka arimiyo maamulka Galmudug.

Wasiirka waxbarashada Galmudug ayaa u mahad celiyey dugsiyada qaar kuwaas oo uu sheegay iney ardayda Imtixaanka uga qaadeen si hufan oo waafaqsan awaamiirta uu soo saaray maamulkaas,wuxuuna tilmaamay iney ku ammaanayaan sida aan musuqmaasuqa lahayn ee ay Imtixaanka u qaadeen,wuxuuna ku booriyey in lagu daydo wadada wanaagsan ee ay dugsiyadaasi hayaan.

In kabadan 7 Kun oo arday ah ayaa shalay u fariistay Imtixiinka Shahaadiga ah ee dugsiyada dhexe iyo Sare ee maamulka Galmudug ee bartamaha Soomaaliya.

Use Facebook to Comment on this Post

Maamulka gobolka Banaadir ayaa ka dalbaday shacabka reer Muqdisho iney gacan weyn ka geystaan hirgalinta mashaariicda faraha badan ee ka socota magaalada taasoo dib loogu soo celinayo bilicdii magaalada Muqdisho ee caasimadda Soomaaliya.

Gudoomiye ku xigeenka maamulka gobolka Banaadir ee dhanka maaliyadda Iimaan Nuur Iikar ahna ku simaha gudoomiyaha gobolka Banaadir ayaa shacabka ku dhaqan magaalada Muqdisho dib u xasuusiyey waayihii adkaa ee ay caasimaddu soo martay iyo horumar la’aanta ka jirtay.

Wuxuuna tilmaamay in xiligan ay magaalada Muqdisho ka socdaan mashaariic baaxad leh oo dib loogu soo celinayo adeegyadii muhimka ahaa ee waxbarashada,caafimaadka iyo wadooyinka,wuxuuna ka codsaday shacabka reer Muqdisho iney kaalin weyn ka qaataan sidii ay u hirgali lahaayeen mashaariicda ay dalka ka wadaan dalalka iyo hay’adaha shisheeye.

Wuxuuna sidoo kale xusay in si loo hormariyo magaalada Muqdisho ay la gudboon tahay shacabka ku dhaqan caasimadda iney ka muuqdaan dadaalada lagu hormarinayo magaaladooda,wuxuuna ku nuuxnuuxsaday in magaaladu ay kasoo kabaneyso colaadihii ragaadiyey 22-kii sano ee ina dhaafay.

Muqdisho ayaa waxaa xiligan ka socda mashaariic hormarineed oo intooda ugu badan ay waddo dowladda dalka Turkiga,taasoo dayactir ku wada wadooyinka magaalada Muqdisho,dhismayaasha muhimka ah ee dowladda,Isbitaallo iyo goobo waxbarasho,waxaana sidoo kale mashaariic dib u dhis iyo ganacsi xooggan magaalada ka wada gacansatada Soomaaliyeed iyo qurba joogta kadib markii uu hagaagay amniga caasimadda.

RBC Radio

Xafiiska Wararka Muqdisho

Use Facebook to Comment on this Post