Gaalkacyo (RBC) Inta la ogyahay sagaal qof oo toddobo ka mid ah ay yihiin dumar ayaa ku dhaawacmay isku dhacyo saaka ku dhexmaray magaalada Gaalkacyo ee gobalka Mudug ganacsatada khudaarta keenta magaaladaas.

Dagaalka oo la isku adeegsaday Maqaro, Baangado iyo dhagxaan ayaa waxa uu ka dhacay qeybta khudaarta ee suuqa magaalada Gaalkacyo, waxana dadka dhaawacmay la geeyay isbitaalka magaalada, halkaas oo hadda lagu daweynayo.

Goobjoogayaal ku sugan suuqa khudaarta Gaalkacyo ayaa u sheegay RBC Radio in goobta ay soo gaareyn ciidamada Pooliska Puntland, laakin markii ay waxbo ka qaban waayeen xaaladda ayaa iska laabtey.

Waxa maanta aan shaqeeneynin suuqa khudaarta Gaalkacyo, oo xiran, markii uu isku dhacyo uu ku dhexmaray ganacsatada khudaarta suuqa Gaalkacyo, ilaa hadda ma jirro cid ka hadashay arrintan oo maanta si weyn looga hadalyo magaalada Gaalkacyo.

Ganacsatada ayaa la sheegay in ay isku heestaan dhismooyin ku yaala suuqa qeybta khudaarta taas ayaan keentay in uu xaal gaaro gacan ka hadal qasaare ka dhacay.

RBC Radio

——————————–

Xafiiska Wararka Gaalkacyo

Muqdisho (RBC) Wasiirka Dastuurka iyo arrimaha Fedaraalka XKMG ah, C/raxmaan Xoosh Jabriil ayaa sheegay in shirka odayaasha dhaqanka ee ka socda Muqdisho uu soo gaaray heer gabagabo, dhawaana la soo bandhigi doono dastuurka la doonayo in loo sameeyo Soomaaliya.

Wasiirka oo la hadlaayay Idaacadda dowladda ayaa sheegay in maalmaha soo socda la soo gabagabeyn doono shirka odayaasha dhaqanka ay ku lee yihiin Muqdisho, kaa oo lagu doonayo in lagu soo xulo ergada anisixineysa dastuurka cusub ee ay yeelaneyso Soomaaliya.

Wasiir Xoosh Jibriil ayaa xusay in maalmaha soo socda Muqdisho ay ku soo bandhigi doonaan Qabyo Qoraalka Dastuurka la doonayo in loo sameeyo Soomaaliya, si dad weynaha ay uga helaan macuuluumaad.

Wasiirka ayaa siddoo kale sheegay in ergadii ka socday Puntland ee dhawaan ka laabtay Muqidisho ay dhawaan soo laaban doonaan, haddan wadahadalo ay la lee yihiin iyaga iyo maamulka Puntland.

Wuxuu sheegay in ergadaas loo baahan yahay in ay ka qeyb galaan soo xulida ergada ansixinaya dastuurka, maadama ay ka mid yihiin dhinacyada laga doonayo in ay ka qeyb galaan masiirka Soomaaliya.

Wasiirka ayaa sidoo kale sheegay in hadda dhammaan ay soo dhameestirmeyn odayaasha la doonayo in ay soo magacaaban ergada ansixineysa dastuurka la doonayo in Soomaaliya loo sameeyo.

Wuxuu sheegay in uu ku kal soonyahay in dib ugu soo laabtaan odayaasha Puntland shirka hadda ka socda Muqdisho.

Hadalka wasiirka ayaa immaanaya iyadoo madaxweynaha maamulka Puntland C/raxmaan Faroole uu sheegay in qaabka hadda uu socdo shirka odayaasha dhaqanka Muqdisho uu yahay mid ay ka biyo diidan yihiin.

Waxa soo badanaya dhaliilaha loo soo jeedinaayo dastuurka la doonayo in loo sameeyo Soomaaliya, ka hor August ee sanadkan oo ku eg xiliga DKMG ah ee hadda jirta, waxana beesha caalamka ay wadaa dadaalo ay arrimahan oo dhan lagu ansixinaayo. kulamo ayaa ka socda Muqdisho iyo meelo kale oo wadamada dariska ah.

RBC Radio

———————————

Xafiiska Wararka Muqdisho

Muqdisho (RBC) Kaddib markii labo maalin ka hor ay odayaal-dhaqameed ka socday deeganada Puntland ay ka noqdeyn shirka Muqdisho, ayaa waxa ka hadlay arrintaas madaxweynaha maamulka Puntland C/raxmaan Faroole.

Madaxweyne Faroole oo hadda ku sugan dalka Hindiya ayaa ugu horeyn ka hadlay in Puntland ay qaadacdo shirka Muqdisho uga socda odayaasha dhaqanka, kaa oo lagu soo xulayo xubnaha ansixinaya dastuurka Soomaaliya.

Madaxweynaha ayaa yiri “Arrimaha Soomaaliya waxa ka qaadanay door muhiim , waxa aan isku tax luujinay in ay wax hirgalaan oo wadankan nabad lagu soo dabaalo, iyadoo dastuurkana la hirgalinaayo, dhinaca Puntland, waxa ay qabatay labo shir oo ka dhacay Garoowe, iyo kii Muqdisho waxyaabo badan ayaana ka soo baxay, annaga Puntland wixii noo gaarka ahaa waan hirgalinay, laakin qolyahaya dowladda Fadaraalka KMG ah, ayaa wax badan isku qasay, waxa aan annaga aan dooneynay in dastuur loo sameeyo Soomaaliya oo nalgu daro annaga guddiyada ansixinaya, laakin TFG-da ayaa diidan arrintaass”

Madaxweyne Faroole ayaa dhaliilay wasiirka dastuurka XKMG ah Cabdiraxmaan Xoosh Jibriil, Kaa oo uu sheegay in wax badan uu ku ciyaaray, waxa ay DKMG ah 31- April noo soo direyn warqad ay ku qoran tahay qaabka la doonayo in loo ansixiyo dastuurka Soomaaliya, laakin markii warqada aan aragnay, wax ku yaala haba yaraatee ma lahan, wax shaqo ah oo ay qabtay dowladda ma jirto, annaga markii waxaas oo dhan aan aragnay, ayaan ka biya diidnay howlaha hadda sida ay wax u socdaan” ayuu yiri Faroole.

Madaxweyne Faroole oo la hadlaayay BBC-da ayaa la weydiiyay maxa xigga marka haddii aad kala soo baxdeyn egadiina shirka Muqdisho, iyo in ilaa hadda wax qancis ah loo muujiyay?

Wuxuu yiri ” Annaga marka aan ka biyo diidnay waxa sida ay u socdaan, waxa aan durba warqad udirnay beesha caalamka iyo saxiixayaashii Roud-Mapka waxana u sheegnay in la iskugu yimaado magaalada Addis Ababa ee dalka Ethiopia, halkaas oo aan u aragnay meel kuwanaagsan in looga hadlo arrimahan”

Wuu sii hadlay ” Odayaal in Xamar lagu shiriyo, oo wax aysan ka warheyn looga sheekeeyo, waxa aan noo cuntameynin, waayo shirkii Garoowe 1 iyo Garowe 2 iyo kii Roud-Mapka lagu ansixiyay, waxa inoo muuqda hadda in la doonayo in dadka la jiirsiiyo wax aysan qaadan karin, oo meesha wax aan Transpalance wax la yiraahdo aysan ka jirin,annagu waxa aan dooneynaa shirka in uu noqdo kii lagu ansixiyay dastuurka Puntland ee ka dhacay Garoowe, marka hadda waxa socda dadka oo dhan ayaa ka biyo diidsan, annaga kuma qanacsanin, TFG-da hadda waxa ay ku mashquulsan tahay doorashada, cid kale oo ku mashquul san dalkan in uu yeesho dastuur rasmi ah oo loo dhan yahay ma aragno” ayuu yiri madaxweyne Faroole.

Madaxweyne Faroole ayaa la weydiiyay, haddii uu la socdo heshiiskii Kampala Accord ee sanadkii hore madaxda DKMG ah ay ku gaareyn Kampla.

” Heshiiskii Kampala waxa uu u dhexeeyay DKMG ah, annaga waxba nagama galin, laakin annaga waxa aan meel dhexe ka soo galnay kii lagu saxiixay Roud-Map-ka isagiina wax nalaga socod siiyay malahan, xittaa saxiixayaashii Roud-Map-ka lalama socodsiin waxa sida ay u socdaan, annaga waxa aan fileynay in ay soo baxaan wax qurux badan xittaa haddii aan nala socodsiin, laakin hadda waxaas meesha kama jiraaan” ayuu yiri Madaxweyne Faroole

Waxa wali muqdisho ku haray qaar ka mid duubabka Puntland oo aan iyagu Muqdisho ka imanin, kuwaas oo wali jooga magaalada Muqdishom kana qeyb galaya shirka odayaasha dhaqanka, waxana dowladda KMG ah ay sheegtay in shirka aan loo hakin doonin ergada Puntland ee ka noqday, oo dhowr qof ku sheegay.

Hadaba waxa laga warsugaya shirka ka dhacaya dhawaan magaalada Addis Abab ee dalka Ethiopia, kaa oo ay ka qeyb galaan saxiixayaasha Roud-Mapka oo kala ah: DKMG ah, Puntland, Galmudug, Ahlu Sunna. UNPOS, IGAD, AU, iyo Midowga Yurub.

RBC Radio
——————-
Xafiiska Wararka Muqdisho

Muqdisho (RBC Radio) Macalinka xulka Qaranka Spain Mr.Vincente del Bosque ayaa waxa uu magacaabay qaar ka tirsan Xiddigaha Qarankaas uga qeeyb galaya koobka Qaramada Yurub.

Xidigaha uu xushay malinkaan ayaa waxa ka mid ah.

Goolhayaasha: Iker Casillas (Real Madrid), Jose Reina (Fc Liverpool), David de Gea (Manchester United).

Difaaca : Juanfran (Atletico Madrid), Alvaro Arbeloa (Real Madrid), Sergio Ramos (Real Madrid), Alvaro Dominguez (Atletico Madrid), Raul Albiol (Real Madrid), Jordi Alba (Valencia), Nacho Monreal (FcMalaga).

Qadka Dhexe : Xabi Alonso (Real Madrid), Santi Cazorla (Fc Malaga), Jesus Navas (FC Sevilla), Benat (Betis Sevilla), Javi Garcia (Benfica Lispon), Bruno (Fc Villarreal)

Weerarka : David Silva oo weearar laga dhigay (Manchester City), Alvaro Negredo (FC Sevilla), Roberto Soldado (Valencia), Isco (Fc Malaga), Adrian (Atletico Madrid).

Spain waxay isku Guruub yihiin koobka Qaramada Yurub dalalka Talyaniiga, Irland iyo Croatia oo dhamaantood lagu qadariyo Ciyaaraha Kubada cagta.

Malinka Spain wuxuu sheegay in dhowaan uu soo dhameestiri doono ciyaartoyda kooxda Spain, waxaana malinta uusan magacyadooda wali qaranka ku soo darin xidigo muhiim ah.

Sidoo Kale Qaranka Farance ayaa xidigaha u ciyaaraha dhamaantoodaba la soo dhameestiray.

Dhanka Goosha ayaa loo soo calaameeyay: Cedric Carrasso (Bordeaux), Hugo Lloris (Lyon), Steve Mandanda (Marseille).

Difaaca : Gael Clichy (Manchester City), Mathieu Debuchy (Lille), Patrice Evra (Manchester United), Laurent Koscielny (Arsenal), Philippe Mexes (AC Milan), Adil Rami (Valencia), Anthony Reveillere (Lyon), Mapou Yanga-Mbiwa (Montpellier).

Qadka Dhexe : Yohan Cabaye (Newcastle), Alou Diarra (Marseille), Yoann Gourcuff (Lyon), Florent Malouda (Fc Chelsea), Marvin Martin (Sochaux), Blaise Matuidi (Paris SG), Yann Mvila (Rennes), Samir Nasri (Manchester City), Franck Ribery (Bayern München).

Weerarka: Hatem Ben Arfa (Newcastle), Karim Benzema (Real Madrid), Olivier Giroud (Montpellier), Jeremy Menez (Paris SG), Loic Remy (Marseille), Mathieu Valbuena (Marseille).

RBC Radio

Xafiiska Wararka Muqdisho

Nairobi (RBC) Iyadoo bisha June ee soo socota dalka Turkiga loogu ballansan yahay in lagu qabto shir aad u ballaaran oo arimaha wadanka Soomaaliya looga hadlayo ayaa haddana waxaa soo baxaya walaac beesha caalamka ka muujineyso natiijada laga fili karo shirarka Soomaalida ee hadda ka socda gudaha dalka.

Ajendaha shirka Turkiga ayaa ah in lagu taageero miraha ka soo bixi doona kulamada haatan ka socda Muqdisho, gaar ahaan haddii Soomaalida isku waafaqdo dhameynta marxalada ku meelgaarnimada loona gudbo diyaarinta dastuurka cusub iyo baarlamaan cusub oo kadib la dhiso xukuumad cusub oo aan ku meelgaar ahayn.  Waxaana shirka Turkiga uu la xiriiraa shirkii London ee dhacay 23-kii Febraayo kaasoo dawlada Ingiriisku ay martigelisay.

Ilo wareedyo ku dhow xafiisyada Qaramada Midoobay, Midowga Afrika iyo IGAD ayaa sheegaya in shirka Istanbul ka dhici uu had iyo jeer ku xirnaan doono natiijooyinka ay soo saaraan Soomaalida oo haddii shirka oday dhaqmeedyadu guuleysto loona gudbo xulista ergada dastuuriga iyo baarlamaan cusub markaasi in shirka Istanbul uu taageeri doono mirahaasi, laakiin haddii aysan intaasisoo bixin in shirka Istanbul uu isbedeli doono wajigiisa.

Taladii Ingiriiska

Wararka dhex wareegaya xafiisyada beesha caalamka ee daneeya arimaha Soomaaliya ee ku yaalla Nairobi ayaa sheegaya in laga yaabo haddii Soomaalida isfahmi weyso shirka Istanbul looga dhawaaqi doono in mudo afar illaashan sano ah dalka la gelin doono maamul dusha sare ka heysato beesha caalamka oo u gogol xaaraka gudbida marxalada kumeelgaarnimada.

Arinta ugu muhimsan ayaa ah kulan hadda loo ballansan yahay in la isugu keeno lixda saxiixayaasha qorshaha ‘roadmap’ ee iyagu dhexdeeda iskhilaafsan kadib markii madaxweynaha maamul goboleedka Puntland C/raxmaan Faroole uu ka biyo diiday qabyo qoraalka dastuurka.  Shirkan dhexmari doona saxiixayaasha roadmap-ka waxaa diyaarinaya xafiiska Qaramada Midoobay u qaabilsan arimaha siyaasadda Soomaaliya ee UNPOS.

Haddii haddaba lixda saxiixayaasha ee kala ah Madaxweyne Shariif, Raysul wasaare C/weli Gaas, Shariif Xasan, Madaxweynaha Maamulka Galmudug, Madaxweynaha Maamulka Puntland iyo Ururka Ahlusuna ay isgartaan waxaa dad badan ay ku micneynayaan in shirarka hadda Muqdisho ka socda ay noqpon karaan kuwo horey u socda oo guuleysta, balse waxayba su’aasha ka taagan tahay sida C/raxmaan Faroole iyo DKMG ugu heshiin karaan dastuurka maadaama Puntland ay diidan tahay in ka badan50 qodob oo dastuurka ku jira.

Waxaa kaloo walaac laga muujinayaa waqtiga kooban ee ku eg illaa Agoosto 2012 oo la filayey in ka hor la dhameeyo dhammaan qorshe hawleedkii lagu soo qoray waraaqaha roadmap-ka kuwaasoo u eg in sidii loo dhigay aysan u fulin, tusaale ahaan xulistaergada dastuuriga ayaa ahayd in lagu dhameeyo 15-ka May oo hadda saddex maalmood la soo dhaafay.  Waxayna xubnaha beesha caalamka u arkaan in dhaqaalihii loo qoondeeyey fulinta tallaabooyinkan uu si micna darro ah ku baxayo iyadoon wax hawl ah la qabanin.

Jiritaanka DKMG

Dhankale Qaramada Midoobay iyo Midowga Yurub ayaa markale toddobaadkan ku celiyey inaysan marnaba ogolaan doonin in xitaa hal maalin ay ku darsadaan madaxda DKMG ah ee hadda xilka haya, ayna waajib tahay in 20 Agoosto 2012 ay meesha baneeyaan taasoo muujineysa sida beeshacaalamka uga daalantahay inay sii wado taageerada DKMG ah isbedel la’aan.

RBC Radio
Xafiiska Wararka Nairobi

Muqdisho (RBC Radio) Ciidamada dowlada KMG Soomaaliya iyo kuwa AMISOM ee dhowaan la geeyay gobalka Bay ayaa waxay bilaabeen in ay fariisimo ka sameesta magaalada Baydhabo.

Wararka ayaa sheegaya in gudaha magaalada lagu arkayo fariisimo ay ka sameesteen ciidamada AMISOM, iyo kuwa dowlada ka dib markii mudooyinkii ugu danbeeyayna ay magaaladaasi ka dhaceen dilal qorsheesan iyo falal ka dhan ah amaanka.

Dhowaan ayaa magaalada Baydhabo waxaa gaaray ciidamo ka tirsan AMISOKM kuwaasi oo si hor dhac ah u gaaray waxaana la filayaa in gobalka Bay la geeyo ciidamo gaaraya 2500 (Laba Kun iyo Shab Boqol) si ay u sugaan amaaka isla markaana ay kaga hortagaan kooxda Al-Shabaab

Boqolaalkan Askari ee hada ku sugan magaalada Baydhabo ayaa ukala dhashay dalalka Ugandha iyo Burundi oo iyagu ka mid ah dalalka ka socda Midowga Afrika ee ka howlgalaya Soomaaliya.

Midowga Afrika ayaa horay u sheegay in ciidamo AMISOM ah la gayn doono dhamaanba gobadalada Soomaaliya si dowlada Soomaaliya ay kaga caawiyaan la dagaalanka kooxda Al-Shabaab.

Magaalada Baydhabo ee xarunta gobolka Baay ayaa ka mid aheyd magaalooyinka ay mudada dheer maamulka u haayeen kooxda Al-Shabaab isla markaana ciidamada dowlada iyo ciidanka Ajnabiga ah ee taageerayay dowlada ay la wareegeen.

RBC Radio

Xafiiska Wararka Muqdisho

Hargeysa(RBC):- Maxkamadda Ciidammada Millateriga Somaliland ee Derajada 1-aad, ayaa galabta Xukun dil ah ku ridday 17 ka tirsan Dablay hubaysan oo Salaasadii shalay weerar ku qaaday Xerada Ciidanka Madaafiicda goobta ee magaalada Hargeysa, halka shan dablaydaas ka mid ahaa Maxkamaddu ku xukuntay Xabsi-daa’in.

Maxkamadda derajada koowaad ee Ciidammada Somaliland, waxay xukunkooda dib u dhigtay saddex kooxdaa ka tirsanaa oo dhaawacyo ah, kuwaasoo marka la daweeyo ka dib Maxkamaddu dacwaddooda u fadhiisan doonta, waxaanay Maxkamaddu fasaxday oo la sii-daayey saddex kale oo ka tirsanaa 28 ka qof ee loo qabtay Salaasadii kiiska weerarka lagu qaaday Xerada Ciidanka Madaafiicda ee magaalada Hargeysa, iyada oo Maxkamaddu sheegtay in saddexdaas la sii-daayey lagu waayey wax dembi ah oo la xidhiidha weerarka dablaydu ku qaadeen Ciidammada.

Masuuliyiinta Maxkamadda derajada koowaad ee Ciidammada Qalabka sida ee Somaliland, waxay ku doodeen in 22-ka qof ee xukunka lagu riday iyo saddexda dhaawaca ah ee dacwaddooda dib loo dhigay ay Maxkamadda horteeda ka qirteen inay iyaga oo hubaysan weerar ku qaadeen Xerada Ciidammada Madaafiicda goobta ee dhinaca Koonfur-Bari ee isla magaalada Hargeysa. Isla markaana, Maxkamadda horteeda Markhaatiyaal ku filani kaga caddeeyeen dembiga ay ciidanka ka galeen. Sidaa-daraaddeed-na, Maxkamaddu ku xukuntay 17 kooxdaa ka tirsan dil, shan Xabsi-daa’in, halka saddex dhaawac ahna xukunkooda dib loo dhigay.

Xeer-ilaaliyaha guud ee Maxkamadda Ciidammada  Somaliland Ibraahin Cabdi Xaaji Maxamuud oo isagoo jooga Hargeysa caawa warbaahinta uga warramay qaabka xukunkaasi u dhacay, waxa uu yidhi; “Xukunkaasi wuxu u dhacay saaka toddobadii iyo badhkii bay Maxkamaddu u fadhiisatay dembiga nimankaa loo haystay, afartii iyo badhkii galabta ayey soo gebo-gabawday oo ay Maxkamaddu ku dhawaaqday go’aanka.”

“Xukunku wuxu u dhacay 22 ka mid ah Dablayda la qabtay ayey Maxkamaddu xukuntay. Waxay ku kala xukuntay 17 dil toogasho ah, shan ka mid ahna waxay ku xukuntay Xabsi-daa’in, saddex ka tirsani dhaawac bay ahaayeen oo Maxkamaddu dib bay u dhigtay dacwaddooda oo waxay tidhi; ‘Dhakhtar halla geeyo oo marka la soo daweeyo ayey dacwaddooda dib u qaadaysaa, saddexdii kale ee hadhayna dembigu wuu ku caddaan waayey oo waa la sii-daayey, tirada guudna sidaas bay ku dhammayd 28-koodu-ba.” sidaa ayuu yidhi Xeer-ilaaliyaha Maxkamadda Ciidammada Somalilan Ibraahin Xaaji Cabdi Maxamuud.

Xeer-ilaaliyaha guud ee Maxkamadda Ciidammada Somaliland Ibraahin Xaaji mar uu ka hadlayey qaabka kiisku ugu caddaaday 22-ka ruux ee la xukumay iyo sida loogu wayey saddexda la siiddaayey, waxa uu yidhi; “Waxa xusid mudan 22-ka xukunku ku dhacay Maxkamadda horteeda way ka wada qirteen dembiga lagu soo oogay ee ahaa inay Xeradaa Ciidanka soo weerareen iyagoo hubaysan, qiraal bay ahaayeen, Markhaatiyo kufilanna Maxkamadda ayaa la horkeenay oo iyaguna ku sii caddeeyey, dabadeedna sidaas ayuu xukunku ugu dhacay.”

Si kastaba ha ahaatee, waa markii ugu horreysay ee Maxkamadaha Somaliland kuwo Ciidan iyo kuwo kale-ba uu ka dhaco Xukunkan oo kale oo lagu rido dad dablay ah oo weeraray goob ay Ciidan deggan yihiin. Waxaana arrintan aad looga dareemay guud ahaanba Somaliland. hase-yeeshee, waxay dadku su’aala iska weydiinayaan mustaqbalka uu xukunkani yeelan karo.

RBC Radio                 

Xafiiska wararka ee Hargeysa.

Hargeysa(RBC):- Guddiga doorashooyinka Somaliland, ayaa maanta doorasho tijaabo ah oo muddo saacado ah socotay ka bilaabay xaruntooda magaalada Hargeysa, taasoo ay ku codeeyeen 250 qof, oo si tijaabo ah loogu eegayey liiska musharrixiin tusaale ah oo dhan 225 Xildhibaan oo iska sharrixi doona saddex Xisbi iyo Lix Urur oo ku tartami doona doorashada golayaasha deegaanka Somaliland.

Guddiga doorashooyinka, ayaa markii codayntu waxoogaa socotay ka dib, ka warbixiyey qaabka ay doorashada tijaabada ah u bilaabeen, ujeeddada ay ka leeyihiin iyo muhiimadda ay gudbinayso tijaabada doorashada halka maalin ah.

Afhayeenka Guddiga doorashooyinka Somaliland Axmed Maxamed Xirsi (Geelle), oo Warbaahinta u akhriyey war-saxaafadeed uu ku saxeexan yahay magiciisu, ayaa sheegay in qaladaadka ay doorashada tijaabada ah ee maanta ay bilaabeen la sixi doono si looga badbaado in qaladaad kuwa maanta soo baxa la mid ah ama ku dhawi geli karaan doorashada dawladaha hoose ee rasmiga ah. Waxaanu sheegay markay natiijada dhabta ah ee tijaabadan ku saabsan ogaadaan, wixii qaladaad ahna saxaan, shaacin doonaan muddada rasmiga ah ee ay qabsoomayso doorashada golayaasha deegaanku.

Qoraalka war-saxaafadeedka uu Afhayeenka doorashooyinka Somaliland u akhriyey warbaahinta, ayaa u dhignaa sidan; “Ka dib markii sharci laga soo saaray in si toos ah loo doorto musharaxiinta goleyaasha deegaanka (open list) waxaa badatay tirada dadka la dooranayo ee magacyadooda lagus oo qori doono warqada codbixinta.

Guddida Doorashooyinku iyagoo arrimahaa ka baaraan-dagaya wuxuu goostay in maalin tijaabo ah lagu sameeyo doorasho. Laba boqol oo qof ayaa tijaabada doorashada gali doona, waxaanay ka koobnaan doonaan dad Waayeel ah, Dhalinyaro, kuwa wax akhriya iyo kuwa aan waxba akhriyin oo isugu jira Rag iyo Dumar. Guddida Doorashooyinku waxay nidaamkan u samaysay si loo helo sawir dhab ah oo ka turjumaya  bulshada Somaliland noocyadeeda kala duwan.

Sababaha Guddida Doorashooyinka ugu baahdeen in la qabto maalinta doorashada tijaabada ahina waa in si mug leh looga baaraan-dago baaxadda hawl-gal ee codeyntu yeelan doonto xilliga doorashada deegaanka ee foodda innagu soo haysa ahna markii ugu horreysay ee si toos ah loo soo dooranayo Xildhibaannada Golaha Deegaanka oo tirada mushraxiintuna ay aad u badan tahay.

Waxa kale, oo Guddida Doorashooyinku goosteen in loo adeegsado doorashadan tijaabada ah wacyigelin caam ah oo bulshada rayidka ah, ururrada iyo xisbiyada siyaasadduna la socdaan kana qayb qaataan hanaanka cusub ee Doorashadu u dhacayso.”

RBC Radio

Xafiiska wararka ee Hargeysa.

Maalintii shalay ee 15-ka May ayaa qaar ka mid ah  ergadii Puntland ee ka qeybgaleysay shirka oday dhaqameedka ee ka socda Muqdisho waxay shaaca ka qaadeen inay isaga bexeen shirka iyagoo dib ugu laabtay magaalada Garowe ee xarunta maamulka Puntland wax ay ku tilmaameen wadatashi ay ku soo yeelanayaan Garowe.

Bixitaanka ergadan waxaa ka horeeyey waraaq cabasho ah oo madaxweyne Faroole u diray beesha caalamka isagoo dhaliil ka keenay qodobo kontameeyo gaaraya oo ka mid ah dastuurka qabyo qoraalka.  Waxaana bixitaanka ergada loo qaatay inay arintaasi salka ku hayso. AKHRI CABASHADA PUNTLAND

Wasaaradda dastuurka xukuumadda KMG ah, xildhibaano, odayaal dhaqameed iyo xitaa raysul wasaare C/weli Gaas ayaa sheegay in dhaliisha madaxweyne Faroole ay la mid tahay dhaliilaha faraha badan ee bulshada qeybaheeda kala duwan horey uga soo jeediyeen dastuurka cusub hase yeeshee aysan jirin wax ku gaar ah cabashada Puntland. AKHRI JAWAABTII RAYSUL WASAARE GAAS

Laakiin hadda, saraakiisha qabqanqaabada shirka ansixinta dastuurka, wasaaradda dastuurka iyo dad kalaba waxay ku doodayaan in xubnaha shirka ka baxay ay yihiin saddex ruux oo kaliya oo aan la dhihi karin ergada Puntland oo dhan.  Xubnaha baxay ayaaba dadka qaar ku sifeeyeen inay ku jiraan labo ruux oo toos uga socday xafiiska madaxweyne Faroole.

Dhanka kale afhayeenka odayaasha dhaqanka Puntland Garaad C/laahi Cali Ciid oo markii ay gaareen madaxtooyada Garowe saxaafadda la hadlay ayaa sheegay inay wada tashi gu soo laabteen Garowe, wuxuuna Garaadku warkiisa ku soo koobay in hadda Muqdisho aysan ka socon wax kulamo ah oo iyaga khuseeya.

Haddaba maxay bixitaanka ergada Puntland ku keeni kartaa ansixinta dastuurka ee lagu wado in Muqdisho ay ka dhacdo?  Mase laga yaabaa in arintan ay saameyn ku yeelato qorshaha looga baxayo ku meelgaarka ee hadda lagu guda jiro?

Ergada ku laabatay Garowe waa kuwee? ma Puntland oo dhanbaa mise waa dad gaar ah?

Beesha caalamka sidee u arki kartaa talaabada Puntland?…………….. Dadow waa dood furan!!!!

New York (RBC) Madaxweynaha KMG Soomaaliya Shariif Sheekh Axmed oo xalay khudbad ku saabsan xaalada wadanka Soomaaliya ka horjeediyey ayaa markale ku celiyey dalab horey DKMG ah u soo jeedisay oo ahaa in dawlada laga qaado xayiraada hubka ee saaran Soomaaliya taasoo DKMG ay u aragto inay caqabad ku tahay sugida amaanka dalka.

Madaxweyne Shariif ayaa markale ugu baaqay xubnaha golaha amaanka ee Qaramada Midoobay inay dib u fiiriyaan waxyaabaha ka dhalan kara xayiraada hubka ee la saaray Soomaaliya 1992 ka dib markii dagaalada sokeeye ay ka qarxeen dalka xilkana laga qaaday dawladii militariga. Wuxuuna madaxweynuhu sheegay in DKMG aysan fursada hadda u bannaan ka faa’ideysan doonin haddii aysanhelin ciidan hub iyo qalabfiican heysta oo amaanka gacanta ku dhiga.

Sheekh Shariif wuxuu tilmaamay inay haddaba ay jiraan tallaabooyin muhim ah oo la qaaday gaar ahaan hawlgalada ciidamada Dawlada iyo kuwa AMISOM kula wareegeen dhowr gobol oo ka mid ah koonfurta iyo bartamaha dalka taasoo muujineysa, ayuu yiri guulaha militari ee ay dawlada gaartay.

Sheekh Shariif wuxuu kaloo soo hadal qaaday qorshaha u diyaargarowga marxalada kalaguurka ee hadda dalka ka socdagaar ahaanshirka oday dhaqameedka, ansixinta dastuurka cusub iyo diyaarinta baarlamaanka iyo dawlad buuxda kaasoo uu xusay in meel aad muhim u ah marayo loona baahan yahay in beesha caalamka si buuxda u garab istaagto, si Soomaalida u hesho dawlad buuxda oo hanata amaanka iyo kala dambeynta dalka.

Ma cadda in golaha amaanka ay aqbali doonaan codsiga madaxweynaha KMG Soomaaliya, walow Qaramada Midoobay ay hadda ka arinsaneyso qorshe lagu taageerayo Soomaaliya marxalada kalaguurka ka dib. Waxaase dadka qaar ay sheegayaan in codsiga DKMG ah ee kuaadan qaadista xayiraada hubka uusan weli heysan taageerada wadamada leh diidmada qayaxan sifaasi darteedna rajada laga qabo karo in xayiraada hubka laga qaado Soomaaliya waqtigan ay tahay mid aad u yar.

RBCRadio
New York

Muqdisho (RBC) Ciidamada booliska iyo kuwa nabadsugida ayaa galabta xiray waddooyinka gala suuqa weyn ee Bakaaraha ee magaalada Muqdisho ka dib markii fal dil ah loo geystay askari ka tirsanaa booliska oo ku sugnaa gudaha suuqa.

Ciidamada ayaa xiray dhammaan waddooyinka iyadoo baaritaano ay ka bilawdaan gudaha suuqa iyo waddooyinka si loo soo qabto cidii ka dambeysay dilkan bareerka ah ee galabta ka dhacay suuqa oo beryahan dambe ahaa meel amaan ah.

Ciidamada ayaa galay goobo ganacsi iyagoo qabqabtay dad u badandhalinyaro oo ku sugnaa gudaha suuqa.  Waxaana joogsaday dhaqdhaqaaqa qeybaha dharka ee suuqa oo ah halka dilku ka dhacay.

Dad fara badan oo isugu jira kuwo u soo dukaameysi tegey suuqa iyo qaar meherado ganacsi ku heystay suuqa ayaa la arkayey iyagoo suuqa ka soo yaacaya isla markaana ciidamada ay baarayaan.

Illaa hadda saraakiisha nabadsugida iyo booliska kama hadlin dilka askariga ee ka dhacay bartamaha suuqa Bakaaraha oo amnigiisa ay gacanta ku heyso DKMG ah.

Dhanka kale qarax miino ayaa galabta ka dhacay xaafada Gubta ee degmada Dayniile kaasoo sida wararku sheegayaan lala beegsaday ciidamo ka tirsan DKMG ah oo wadada marayey, mana cadda khasaaraha ka dhashay.

RBC Radio
Xafiiska Wararka Muqdisho

Muqdisho (RBC Radio) Kulan looga hadlayay ahmiyadda uu dastuurka cusub siinayo arimaha xuquuqul Insaanka iyo xuquuda suxufiyiinta ayaa maanta wuxuu ka furmay magaalada Muqdisho.

Kulankan ayaa waxaa  soo qabanqaayeen wasaaradaha Dastuurka iyo warfaafinta wxaana  ka qeybgalaya suxufiyiin ka kala socotay qeybaha warbaahinta ee magaalada Muqdisho iyo ururka Suxufiyiinta Qaranka Soomaaliyeed.

Sidoo kale kulanka ayaa waxaa ka soo qaybglay R/waaare ku xigeenka ahna wasiirka Ganacsiga, Wasiirka warfaafinta Boostada iyo Isgaarsiinta, Wasiirka Dastuurka, danjirayaal iyo martisharaf kale.

Wasiirka Dastuurka C/raxmaan Xoosh Jibriil oo hadlay kulankaan ayaa tilmaamay in dastuurkan cusub ay ku qeexantahay mudnaanta uu siinayo xuquuqul insaanka iyo tan suxufiyiinta Soomaaliyeed.

C/qaadir Xuseen Maxamed (Jahweyn) Wasiirka Warfaafinta, Boostada iyo Isgaarsiinta ayaa asna sheegay in xukuumaddu ay muujisay sida ay uga go’antahay dhowrista xuquuqda suxufiyiinta Soomaaliyeed.

Sidoo kale qaar ka mid ah suxufiyiintii shirkaan ka qaybgalay ayaa waxay ka hadleen dhibaatooyinka ay la kulmaan suxufiyiinta Soomaaliyeed, iyo waliba xiligaan sida ay u shaqeeyaan.

Suxufiyiinta ayaa iyna la hordhigay qabyo qoraalka dastuurka qodobadda ku saabsan xuquuqul insaanka iyo xuquuda suxufiyiinta, waxayna haatan bilaabeen inay ka doodaan qodobadaasi.

RBC Radio

Xafiiska Wararka Muqdisho

Muqdisho (RBC) Afhayeenka xukuumadda KMG Soomaaliya C/raxmaan Cumar Cismaan Yariisow oo galabta la hadlay wariyaasha ayaa shaaca ka qaaday in xukuumadda ay wado dadaal ay ku xalineyso caqabado dhanka farsamada uu ku sheegay oo hakiyey habsami u socodkii shirkii odayaasha dhaqanka ee ka socday magaalada Muqdisho.

Afhayeen Yariisow oo sidoo kalana ah afhayeenka raysul wasaare C/weli Gaas ayaa sheegay in shirka odayaasha dhaqanka uu sii socon doono marka la dhameeyo arimaha farsamo oo uusan sheegin waxay yihiin. Wuxuuna afhayeenku sidoo kale sheegay in shirka waqti dheeraad ah lagu dari doono si loo soo xulo 825 xubnood oo ansixin lahaa dastuurka cusub.

“Waxaa jira caqabado yar yar oo u badan dhanka farsamada kuwaasina hadda gacanta ayaa lagu hayaa, waxaan fileynaa in maalmaha soo socda la sii ambaqaadi doono shirka odayaasha oo loo gudbi doono shirweynaha dastuuriga ee ansixinta dastuurka cusub” ayuu yiri afhayeenka xukuumadda KMG ah.

Afhayeenka ayaa sheegay inuusan jirin wax ergo ah oo shirka ka baxay oo ka yimid dhanka Puntland, hase yeeshe odayaasha hadda ku shirsan Muqdisho ay ku jiraan seminaar wacyigelin ah ka dibna ay guda geli doonaan soo xulista 825 xubnood oo ansxiin doona dastuurka qabyo qoraalka.

Xulista 825 oo la hakiyey

Eng.Yariisow oo la weydiiyey in khilaaf uu hadda ka dhex taagan yahay madaxweynaha Puntland C/raxmaan Faroole iyo madaxda DKMG ah oo isku ah saxiixayaasha qorshaha loo yaqaano roadmap-ka taasina ay xayiraad ku keentay shirkii Muqdisho uga socday oday dhaqsmeedka ayaa wuxuu ku jawaabay inuusan jirin wax khilaaf lagu tilmaami karo, wuxuuna ka hordhacay inuu jiri doono kulan degdeg ah oo ay dhowaan yeelanayaan saxiixayaasha qorshaha roadmapka oo ka kooban Madaxweynaha DKMG Shariif Sheekh Axmed, Shariif Xasan, Raysul wasaare Gaas, Madaxweynaha Puntland, Madaxweynaha Galmudug iyo Ururka Ahlusuna.

Dhanka kale masuuliyiin xog ogaal ah ayaa Raxanreeb u sheegay in xulista ergooyinka 825 ee ansixinta dastuurka la hakiyey illaa ay isaga imaanayaan lixda saxiixayaasha roadmapka oo hadda isku khilaafsan qaabka shirka oday dhaqameedku u socdo iyo dastuurkaba.

Wararkan ayaa intaa ku daraya in Wakiilka Qaramada Midoobay Augustine Mahiga uu qabanqaabinayo kulan la isugu keenayo lixda saxiixayaasha roadmapka ee iskhilaafsan.

Dhanka kale beesha caalamka oo bixineysa dhaqaalaha ku baxaya shirarka iyo qorshaha kalaguurka ayaa la sheegayaa inay hadda ka walaacsan tahay sida waqtiga uu sii yaraanayo iydoo lacag fara badan ay baxday iyadoon hawl badana la qabanin sidii la filayna arimuhu aysan u socon illaa hadda.

RBC Radio
Xafiiska Wararka Muqdisho

Nairobi (RBC) War saxaafaddeed ay soo saartay maanta oo Arbaca ah hey’adda dhaqaatiirta aan xuduuda lahayn ee (MSF) ayaa lagu sheegay in hey’adda holihii aasaasiga caafimaadka ka wwaday magaalada Dhuusamarreeb ee xarunta gobalka Gaduud iyo deegano kale ay u joojisay sababo ammaan oo la soo darsay shaqaalaheeda.

Hey’adda waxa kaloo ay sheegtay in go’aanka ay qaadatay ee ah in ay xirto uu ahaa mid dhib abdan, maxaa yeelay howlahan waxa ay gobalka ka waday tan 2006 ilaa 2008.

Sido kale waxa ay hey’addu sheegtay in ay joojisay kaalmada ay siineysay Isbitaalka Istarlin ee ku yaala magaalada Guriceel ee gobalkaas.

Maamulaha guud ee hey’adda u qaabilsan howlaha macaamisha Brice de le Vingne ayaa sheegay in xaaladda ammaan ee ka jirta deeganka aysan u saamaxeyn shaqaalaha iyo hey’adda in ka sii shaqeyso.

Si kastab wuxuu yiri waan sii wadi doonaa howlaha lagu tababaraayo shaqaalaha si howlihii caafimaad ee degmada iyo tuulooyinka kale ay u sii wadi lahaayeen” sida uu yiri le Vingne.

Sanadkii dhawaa, MSF waxa ay howlo mashaariic ah ka waday deeganadaas iyadoo tababar caalami ah siisay shaqaalaha Isbitaalka Istarlin, laakin waxa soo baxay in ay jiraan kooxo doonayo in shaqaale cusub ay isbitaalka keenaan kuwii kalena ay ka ceyriyaan iyagoo isku dhow maamulka isbitaalka Istarliin sida lagu sheegay war saxaafadeedka ka soo baxay MSF, maanta.

RBC Radio

————————

Xafiiska Wararka Nairobi

Garbahaareey (RBC) Waxa maanta dagan xaaladda degmada Garbahaareey ee gobalka Gedo, halkaas oo dagaalo ay ku dhexmareyn Al-Shabaab iyo ciidamada dowladda KMG ah.

Ilaa hadda ma jiro wax qasaaro ah oo ka dhacay dagaalka ka dhacay Garbahaareey sida uu sheegayo Afhayeenka Ahlu Sunna ee gobollada koonfureed, Sheekh Maxamed Xuseen Isxaaq “A-Qaaddi” oo la hadlay saxaafadda.

Laakin waxa uu sheegay Al-Qaaddi in dagaalka ay soo qaadeyn Al-Shabaab uu ku gubtay ceel biyood degmada ku yaalay, kaa oo ay ka waraabayeen dadka iyo duunyada.

Wuxu sheegay in dagaalka waxa khasaaro aysan ka soo gaarin dhinacooda, laakin Al-Shabaab ay dhowr ka dileyn sida uu hadalka u dhigay, majiro warar madax banaan oo xaqiijinaya inta ay la egtahay qasaaraha labada dhinac ka soo gaaray dagaalkii xaley ka dhacay Garbahaareey.

Dhowr mar ayey Al-Shabaab soo weeartay degmooyinka Gobalka Gedo, oo ay hadda ku sugan yihiin ciidamo ka tirsan dowladda KMG ah iyo kuwa Kenya, waxana xusid mudan iyo qeybo ka mid ah gobalkaas ay maamulaan Al-Shabaab.

RBC Radio

———————

Xafiiska Wararka Muqdisho

Nairobi (RBC) An international aid agency working in Somalia, Medecins Sans Frontieres (MSF) has on Wednesday announced that it will close down its primary health care programmes in Dhusa Mareb and Hindere due to security concerns.

The organisation said it “has made the difficult decision to close” these facilities which have been operational since 2006 and 2008 respectively.

It has also said it will restructure its support to Istarlin Hospital in Guri-el town.

“Deteriorating security conditions in this area do not allow MSF to operate in its traditional manner with expatriate staff assisting on the ground.” said MSF’s Operational Director for Somalia, Brice de le Vingne.

“However we expect that our well trained staff can continue to offer free basic health services of high quality to the people of this area,” added Brice de le Vingne.

In recent years, MSF has significantly invested in training of staff in Istarlin and in telemedicine– a form of telecommunication which enables the provision of clinical health care at a distance.

According to the organisation, through the new system of self-management, international experts remotely carry out real-time medical consultations and provide guidance to local colleagues in Istarlin.

Source: MSF

Muqdisho (RBC) Maamulka Gobalka Banaadir ayaa maanta magacaabay afhayeenka cusub ee maamulka uu yeelano, kaddib markii dhawaan laga qaaday xilkaas afhayeenkii hore Max’ed C/lahi Cariig.

Xoghayaha guud ee maamulka Gobalka Banaadir Cabdi kaafi Hilowle Cismaan oo saxaafadda kula hadlaayay magaalada Muqdisho ayaa sheegay in warqad ka soo baxday xafiiska Guddoomiyaha Gobalka Banaadir in afhayeenka cusub ee maamulka Gobalka Banaadir loo magacaabay Maxamed Yuusuf Cismaan.

Cabdi Kaafi ayaa sheegay in sheegay wixii ka dambeeya maanta in looga baahan yahay warbaahinta in la shaqeeyaan afhayeenka cusub, kaa oo maanta si rasmi ah howshiisa u bilaabay.

Sidoo kale waxa goobta ka hadlay afhayeenka cusub ee maanta gobolka Banaadir loo magcaabay Maxamed Yuusuf Cismaan , wuxuuna sheegay in uu ku faraxsan yahay in loo magacaabo shaqadan, wuxuuna ballaan qaaday in xoojin doono xiriirka maamulka Gobalka Banaadir u lee yahay bulashada iyo saxaafadda.

Si kastaba, waxa maalmahan saxaafadda ka hadlaayay afhayeenkii hore ee shaqada laga qaaday Maxamed Cabdulaahi Cariig kaa oo sheegay in uu xil ka qaadistiisa loo sameeyay qaab qabiil, sida uu hadalka u dhigay.

RBC Radio

——————-

Xafiiska Wararka Muqdisho

Ceelbuur (RBC) Wararka naga soo gaaraya degmada Ceelbuur ee gobalka Galgaduud ayaa sheegay in xaley Al-Shabaab ay weerar ka geesatay goob ay ku sugnaayeen Ahlu Sunna oo ku taala duleedka degmada Ceelbuur,

Inta la ogyahay afar qof oo ahaa dhinacyadii dagaalamay ayaa ku dhintay sida ay sheegayaan ilo madaxbanaan oo ku sugan gobalkaas. laakin sarkaal u hadlay Ahlu Sunna oo maanta saxaafadda kula hadlay Ceelbuur wuxuu lee yahay Al-Shabaab tira ayaan ka dilay kuwa kalena waa ay kaga dhaawacmeyn dagaalkii xaley ka dhacay ceelbuur.

Ma jiro dhinaca Al-Shabaab wax war ah oo ka soo baxay oo ku aadan dagaalka xaley ka dhacay duleedka Ceelbuur ee gobalka Galgaduud oo ka mid ah meelaha dhawaan lagala wareegay Al-Shabaab.

Ma ahan markii ugu horeysay ee Al-Shabaab weerar ku qaadan deegano ka tirsan gobalka Galgaduud oo hadda ay ku sugan yihiin ciidamo Ethopian ah, oo taageera siinaya Ahlu Sunna oo gacan dhow la leh dowladda KMG ah.

Xaaladda Ceelbuur ayaa maanta degan, oo dhamaan dhaqdhaqii ayaa caadi ah, mana jiro wax howgala ah oo la soo sheegayo degmada, wixii ka dambeeyay weerarkii isqarxinta ee ka dhacay magaalada Dhuusamreer horaantii bishan waxa heegan lagaliyay ammaanka deeganada ay ka arrimiyaan Ahlu Sunna gobalka Galgaduu.

RBC Radio

——————–

Xafiiska Wararka Muqdisho

New York (RBC) Wakiilka gaarka ah ee xoghayaha guud ee QM u qaabilsan Soomaaliya Augustine P. Mahiga oo hadal ka jeediyay shirkii golaha ammaanka QM ay ka yeesheen arrimaha Soomaaliya Salaasadii shaley, ayaa sheegay in Soomaaliya ay ku jirto xaalad qatar ah, taas oo la doonayo in loo yeelo dhaliilo, waa mida looga gudbaayo xiliga KMG ah” ayuu shegeya danjire Mahiga.

Wuxuu sheegay in beesha caalamka uu ugu baaqayo in ay maanta gacan siiyaan dowladda KMG ah oo hadda xiligeeda uu ku egyahay bisha August,shaqo adagna ay hortaalo.

Wuxuu sheegay in ay jirto fursad caalami oo dalka ku yaala bariga Africa uu ka gaari karo nabad iyo hab qaran oo dib u heshiisiin ah waarta ah.

“Soomaaliya waxa ay heesataa fursad weyn taas oo lagu doonayom lagu soo dhameeyo KMG ah, kaddb markii ay bixiyeen beesha caalamka iyo dadka Soomaalida ee hantida heesta maalingalin baaxad leh, waxa marka waajib nagu ah in aan dhameyno xaaladaas gacanta noogu jirto. sidaas waxa yiri wakiilka xoghayaha guud ee QM u matala Soomaaliya Augustine P. Mahiga, oo la hadlaayay golaha ammaanka QM ee New York.

Wuxuui yiri “Waxa waajib nagu ah in bixino waqti iyo maalgalin lagu taageearayo howsha wax lagu soo gabagabeenayo hirgalinta khariirada looga baxayo KMG ah ee roadmap ka hor August sanadkan. sidoo kale in la xoojiyo xiriirka beesha caalamka iyo wadashaqeynta.

Dowladda KMG ayaa ayaa hadda wada qorsha ay ku hirgalineyso roadmap, kaa oo la soo iqtiraacay bishii September sanadkii hore last year, iyadoo dowlada hadda jirta uu waqtigeeda ku egyahay 20 August.

Mr. Mahiga ayaa hoosta ka xariiqay in ay jiraan caqabado badan oo horyaala dhaqan galida Khariirada Roadmap’-ka, waxana uu sheegay in ay ka mid yihiin dhaqaale aan loo heynin, bilaha soo socda.

“Dhaqaale la’aanta hirgalinta roadmap-ka soo wajahday. seddaxda bilood ee haray waa walaaca koobaad ee na heesta annaga iyo DKMG ah, wuu ugu baaqay golaha ammaanka QM in ay sii wadaan dhaqaale bixinta arrintaas lagu hirgalin lahaa.

Danjiraha ayaa sidoo kale ka digay qolya uu sheegay in ay doonayaan in boqonta jaraan meel marinta qorsha roadmap.

Wuxu yiri ” Waa in la tacaamulnaa qolyahaas doonaya in xagal daaciyaan howlaha hadda socda

Goor hore oo bishan ahayd, ayaa xafiisyada Siyaasada QM ee Soomaaliya (UNPOS), midka Howlgalka Nabad ilaalinta Midowga Africa ee AMISOM, iyo kan urur gobaleedka bariga Africa (IGAD), waxa ay soo saareyn digniin ku socota kooxo ay ku sheegeyn in ay yihiin kuwa doona in ay is-hortaagan qorshaha roadmap,-ka, waxana ay sheegeyn shaqsiyaadkaas in xanibaad lagu soo rogi doono.

Wuxuu intaas ku daray , Mr. Mahiga in dhowrka bilood ee dhiman ka hor xiliga KMG ah, la doonayo in la dhameestiro waxyaabaha muhiimka ah dhiman oo uu ka mid yahay in dadka labaro dastuurka cutubyada uu ku qoran yahay, iyadoo loo marsiinaayo TV-yada, Raadiyaha. wargeyda iyo Website-yada ama online -ka

Wuxuu kaloo sheegay 1,000 xubnood uu ka koobnaan doono baarlamaanka cusub, kuwaas oo ay soo dooran doonaan odayaasha dhalka, si loo diyaariyo gole bulshada Soomaalida ay lee yihiin kuwaas oo meel mariya dastuurka cusub.

Sidoo kale, wakiilka QM u qaabilsan Soomaaliya, waxa kaloo uu hoosta ka xariiqay in Turkiga uu qabanayo shir caalami ah kaa oo ka dhacaya Istanbul, bisha soo socota kaa oo looga hadli doono qeexitaanka dalka Soomaaliya marka lagaaro and that meeting-August

War saxaafadeed ka soo baxay shirka golaha ammaanka QM kaddib ayaa la shegay in xubnaha golaha ay soo dhaweeyeen hormarka laga gaaray hirgalinta arrimaha roadmap in la sii wado taageerada la siinayo.

Goluhu waxa kaloo ugu baaqay dowladda KMG ah iyo dhinacyadii saxiixay roadmap-ka in laba jibaaran dadaalka ay galinayaan dhameestira Tubtada khariirada ee roadmap iyadoo laga qeybgalinaayo Haweenka iyo ururada Bulshada.

Ugu dambeyn xubnaha golaha QM ayaa si weyn u taageeray war murtiyeedkii wadajirka uga soo baxay AU-IGAD iyo UN bishan May 2012 kaa oo ahaa in la taageero cunaqabateynta la saarayo kooxaha gudaha iyo dibadda kawada qaska.

RBC Radio

——————

Xafiiska Wararka New York

New York (RBC) 15 May 2012 –Somalia is entering its “most critical stage” as the end of its transitional governing period approaches in August, a United Nations envoy said today, calling for the international community to boost their efforts to help the east African country through its peace and national reconciliation process.

“As Somalia faces the greatest opportunity to end the transition, after so much investment by the international community and well-wishing Somalis, we must complete the tasks at hand,” the Special Representative of the Secretary-General for Somalia, Augustine P. Mahiga, told the Security Council in New York. “We must provide timely logistical and financial support to enable us to complete the implementation of the roadmap before August this year, as well as strengthen international cooperation and coordination.”

The country’s Transitional Federal Institutions (TFIs) are in the process of implementing a roadmap, devised in September last year, that spells out priority measures to be carried out before the current transitional governing arrangements end on 20 August.

Mr. Mahiga noted that there are a number of challenges for the roadmap’s implementation to be completed. In particular, he pointed to a lack of time and unavailability of resources as two factors that could have a negative effect in the next months.

“The lack of funding for implementing the roadmap in the remaining three months is of serious concern to all of us, including the Transitional Federal Government (TFG),” he said. “The Constituent Assembly is almost grinding to a halt for lack of funding.”

The envoy also warned that spoilers pose a real threat to the peace process as they are employing various methods to obstruct and reverse gains made in the implementation of the roadmap.

“We must deal with these elements before they succeed in undermining the peace process,” Mr. Mahiga said.

Earlier this month, the UN Political Office for Somalia (UNPOS), the African Union peacekeeping mission in the country, known by the acronym AMISOM, and the Intergovernmental Authority on Development (IGAD), issued a warning to all potential spoilers against jeopardizing the roadmap, warning that sanctions and restrictions could be imposed on those individual groups who seek to obstruct the peace process.

In addition, Mr. Mahiga emphasized that in the remaining months before the end of the transition, it is necessary to intensify public and civic education on the peace process, and noted that UNPOS is producing television, radio, print and online material targeting civil society groups which will be part of the National Constituent Assembly.

The 1,000-member body, as well as the new parliament, will be selected by a group known as the Traditional Elders, who represent the full spectrum of Somali society. The Assembly is tasked with drafting a new constitution.

The Special Representative also noted that Turkey will host a conference on Somalia, in Istanbul, next month, and that meeting will help define elements of the African country’s post-August strategy.

In a press statement following the briefing, Security Council members welcomed the progress made so far in the implementation of the roadmap and reaffirmed their commitment to support the process.

The Council also urged the TFIs and all other signatories of the roadmap to redouble their efforts to complete the roadmap tasks, with the participation of women and civil society, and voiced concern over the role of spoilers.

“The members of the Security Council strongly supported the joint AU-IGAD-UN letter of May 2012 and reiterated their readiness to support measures against internal and external actors or groups who sought to undermine or block the peace process in Somalia, including after the August transition deadline has passed,” the Members noted in the press statement. “They encouraged all Somalis to engage constructively in the political process and move towards a more peaceful and stable Somalia.”

Until last year, most of Mogadishu was, for several years, riven by a fluid frontline dividing the two sides – fighters belonging to the Al Shabaab movement and troops belonging to the TFG, with the latter supported by the peacekeeping forces of the UN-backed AMISOM. Since the Al Shabaab withdrawal from the capital’s central parts in August, the frontlines were pushed back to the city’s surrounding area. However, the use of roadside bombs, grenades and suicide bombers is still a regular occurrence, and outbreaks of fighting still take place.

Source: http://www.un.org/apps/news/

.

Baydhabo (RBC) Wararka ka immanaya magaalada Baydhabo ee xarunta gobalka Baay, waxa ay sheegayaan in kooxo hubeesan oo aan heybtooda lagaraneynin in ay xaley magaalada Baydhabo ku dishay guddoomiye ku xigeenka xaafadda Berdaale oo ka mid ah xaafadaha ay ka kooban tahay Bedhabo.

Ninka la dilay ayaa lagu magacaabi jiray Aadan Xayle, sida ay sheegayaan goobjoogayaal, waxa lagu toogtay meel aan ka fogeyn gurigiisa oo ku yaalla xaafadda Berdaale ee bartamaha Baydhabo.

Sida la sheegay dilka waxa geestay afar nin oo wajiga soo duubtay kuwaas oo ku hubeysnaa bastoolado, iyagoo dilka kaddib goobta ka baxsaday, ilaa hadda ma jirto cid loo qabtay dilka xaley loogu geestay Baydhabo guddoomiye xigeynkii xaafada Bardaale.

Wararkii ugu dambeeyay ee saaka RBC Radio ay ka heleyso Baydhabo ayaa sheegaya in saaka goobta uu dilka ka dhacay ay ka socdaan baaritaano, walow aan lahayn dad lagu soo qab-qabtay baaritaanka.

Xaaladda Baydhabo ayaa saaka caadi, goobaha mehradaha iyo goobaha wax-barashada ayaa caadi ah, gaadidka dadweynaha waa kuwa si caadi ah u shaqeenaya gaar ahaan kuwa gobalada ka immaanaya.

Ma ahan markii ugu horreesay ee Baydhabo lagu toogto xubin ka tirsan DKMG ah, tan iyo markii seddax bil ka hor magaalada ay qabsadeyn ciidamo Ethiopian ah iyo kuwa dowladda KMG ah,

Magaalada wali waxa la sheegaya ain ay ku jiraan xubno ka tirsan Al-Shabaab kuwaas oo dilal qorsheesan ka geestay, magaalada marka ay soo gaalan.

RBC Radio

——————

Xafiiska Wararka Muqdisho

New York (RBC) Fadhi gaar ah, oo xubnaha Golaha Ammaanka QM ay ka yeesheen xaaladda Soomaaliya, ayaa waxa khudbad ka jeediyay Madaxweynaha DKMG ah Soomaaliya Shariif Shiikh Axmed

Madaxweynaha ayaa ka hadlay arrimo badan, oo ay dowladdiisa qabatay intii ay jirtay, waxana uu ka sheegay Xarunta Golaha Ammaanka QM ee magaalada New York in dowladda ay hadda qorsheeneyso in ay dhameestirto howlaha u yaala.

Madaxweynaha ayaa ugu horeyn ka hadlay in dowladda ay hadda dhul badan ka qabsatay Al-Shabaab iyagoo gacan ka helaya ciidanka AMISOM iyo kuwa Ethiopia oo hadda ku sugan deegano ka tirsan dalka.

Madaxweyne Shariif ayaa siddoo kale difaacay Dastuurka DKMG ee Somalia ay hadda dooneyso in ay dalka u sameeso, wuxuuna sheegay in dastuurka Soomaaliya loo sameenaayo uu yahay mid ka mid ah kuwa uga wanaagsan ee caalamka hadda ka jirra, marka loo eego nuxurkiisa iyo ka qeybgalkiisa, waayo ayuu yiri waxa soo diyaariyay khuburo Soomaali ah, waxana kor kala socday culimada Diinta Soomaalida iyo khuburo caalami ah”

Madaxweynaha ayaa sidoo kale sheegay in ka sakow ansixintiisa, DKMG ay diyaar la tahay in dhaqan galiso dhamaan qodobadda ku xusan qariirada la doonayo in looga gudbo KMG ah ee Roud-Map-ka.

Madaxweyne Shariif oo ka hadlaayay wadahadalada dowladiisa ay la yeelaneyso maamulka Somaliland Wuxuu yiri “Waxa aan ku guuleesanay in aan la hadalno walalaheyn Woqooyi ee Somaliland si aan xal uga gaarno muranka na dhexmaray, kuwaas oo hadda doonaya in ay gooni ugoostaan”

Madaxweynaha ayaa ka codsaday Golaha Ammaanka QM in dowladdiisa gacan ka siiyaan qabashada shir caalami oo wadaheeshiisiin ah, kaa oo ay ka qeybgalayaan Soomaali oo dhan, loona baahan yahay in ay nabad ka dhalato Soomaaliya”

Madaxweyne Shariif Sheekh Axmed ayaa sidoo kale ka codsaday golaha Ammaanka QM in la xoojiyo shaqada xubnaha ansixiniya dastuurka cusub ee Soomaaliya, iyadoo lagu taageerayo siyaasad ahaan iyo dhaqaala ahaan, iyo lacagaha lagama maarmaanka ah.

Madaxweynaha ayaa sidoo kale ugu baaqay xubnaha golaha Ammaanka QM in ay mowqif adag iska taagan kuwa doonaya in ay is hortaagan arrimaha dastuurka iyo Roud-Map-ka, oo ku jiraan kuwa doonaya in ay wax burburiyaan, iyo sida sharci darada uga kalluumeesanaya biyaha Soomaaliya

Madaxweynaha ayaa khudbadiisa ku xusay sida dowladda KMG ah aysan ugu faraxsaneyn sida ay kaalmada caalamka u bixineyso wixii ka dambeeyay shirkii Londan ee ku saabsanaa sameynta guddi maareeya dhaqaalaha, in guddigaas ay yeeshaan howlo iyo ujeedooyin cad-cad ayna waqtigooda ku dhameeyaan xiliga loogu tallagalay si loo ilaaliyo ayuu yiri madaxbanaanida Soomaaliya.

Madaxweynaha ayaa sheegay in dowladdiisa aysan waxba ka qabin qodob ka mid ah waxyaabihii ka soo baxay shirkii caalamiga ee Lodan, wuxuuna uu ku ammaamay ra’iisal wasaaraha UK David Camiron sidda uu doonayo in Soomaaliya ay nabad ka dhalato.

Ugu dambeyntii madaxweyne Shariif ayaa u sheegay Golaha Ammaanka QM in marka uu katago New York uu aadayo magaalada Addis Ababa ee dalka Ethiopia halkaas oo uu kaga qeybgali doono shir looga hadli doono waxyaabaha uga hirgalay iyo waxyaabaha aan uga hirgalin dowladda khariirada Roud-Mapka.

RBC Radio
——————
Xafiiska Wararka New York

Xildhibaan Daahir C/qaadir Ciiro

Muqdisho (RBC) Xildhibaan Daahir C/qaadir Ciiro oo ka mid ah mudanayaasha baarlamaanka Soomaaliya ayaa sheegay in bixitaankii ergadii maamul goboleedka Puntland uga qeybgalaysay shirka oday dhaqameedka Muqdisho ay ka dhalatay fashil ku yimid shirka oo ay sababtiisa leedahay xukuumadda raysul wasaare C/weli Gaas.

Xildhibaanka ayaa sheegay in xukuumadda ay ku guuleysan weysay in shirku noqdo mid danaha dalka looga hadlayo isla markaana odayaasha dhaqanka ay talada u madax bannaanaadaan taasi markii ay dhici weysana ay sababtay in odayaasha Puntland ka yimid ay baxaan.

“Waa fashil xukuumaddan ku yimid oo shaqadeedii qabsan weysay oo isku dayday inay shirka iyada gacanta ku heyso, taasaa sabab u ah in ergooyinka Puntland ay baxaan” ayuu ku dooday xildhibaan Daahir C/qaadir Ciiro.

Daahir C/qaadir Ciiro wuxuu xaqiijiyey in isaga uu garoonka Muqdisho ku sii sagootiyey ergooyinka dhaqanka ee Puntland markii shalay ay ka duulayeen garoonka, wuxuuna tilmaamay in ergada Puntland mudo dheer ay cabasho soo gudbinayeen laakiin la dhageysan waayey isagoo eeda dusha u saaray wasiirada xukuumadda raysul wasaare Gaas.

Dhankiisa, wasiiru dawlaha dastuurka xukuumadda KMG Xasan Maxamed Jimcale oo isaguna ka hadlay bixitaanka oday dhaqameedyada beelaha waqooyiga bari ayaa sheegay in saddex oday oo kaliya ay bexeen labo ka mid ahna aysan ka mid ahaunergooyinka shirka. Wuxuuna wasiirku ku adleystay in ergada kale ee goboladawaqooyi bari ay joogaan shirka Muqdisho.

RBC Radio
Xafiiska Wararka Muqdisho

Hargeysa (RBC) Taliyaha ciidamada maamulka Somaliland Gen Ismaaciil Muxumed Shaqlle oo ka hadlay dagaalkii shalay ka dhacay xaafadaha bari ee magaalada Hargeysa ayaa nasiib darro ku tilmaamay in dadka shacabka ahay soo weeraraan ciidamada maamulka oo ku sugan xeryahooda sida uu sheegay.

Gen Shaqalle ayaa u tacsiyeeyey dadkii ay eheladooda ku dhinteen dagaalkii cuslaa ee shalay ka dhacay magaalada Hargeysa kaasoo sababay dhimshada 11ruux iyo dhaawac 15 gaaraya oo isugu jira ciidamada maamulka, maleeshiyaad beeleed weeraray ciidamada iyo dad rayid ah oo rasaasta ku haleeshay xaafadhooda.

“Horta waxaanu leenahay aad iyo aad baanu uga xunahay wixii dhacay.” ayuu yiri Gen Shaqalle oo wariyaasha ugu waramay Hargeysa isagoo ay isdhinac fadhiyeen wasiirada arimaha gudaha, kan ciidamada iyo taliyaha booliska Somaliland.

“In Hargeysa dhexdeeda nalaga soo weeraro Ma ahan wax aanu dhacabka reer Hargeysa ka filaynay, ciidanku wuxuu sugayey weerar meelo kale kaga yimaada ee marna ma aanu sugeyn in Hargeysa dhexdeeda laga soo weerari doono” ayuu hadalkiisa ku daray sarkaalka ugu sareeya ciidamada maamulka Somaliland.

Dhanka kale saraakiisha taliska booliska ayaa shaaca ka qaaday in 28 ruux oo sagaal ka mid ah dhaawac yihiin ay ka qabteen kooxdii maleeshiyo beeleedka ahayd ee shalay soo weerartay xerada ciidamada ku leeyihiin warshadii hore ee kabka ee bariga Hargeysa ku taalla halkaasoo muran dhuleed uu weli ka taagan yahay.

Inkastoo baaqyo nabadeed la soo eediyey ayaa haddana waxaan jirin wax xal ah oo laga gaaray dagaalkii shalay ka dhacay magaalada Hargeysa kaasoo hubka culus la isu adeegsaday. Waxaana weli maleeshiyo beeleedkii weerarka soo qaaday ay ku doodayaan in maamulka uu iska indhatirayo cabashooda oo mudo ay wadeen.

RBC Radio
Xafiiska Wararka Hargeysa

Mogadishu (RBC)  Yesterday afternoon at 4:30 pm an AMISOM casspir, an armed military vehicle, lost control and accidently hit a residential fence in Nur-Adunyo in Dharkenley District, Mogadishu. The casspir, being used by the Burundian contingent, lost control due to mechanical failures with the breaks. No civilians were injured during the incident.

The incident was promptly reported to the Somali Police and AMISOM will rebuild the residential fence. Lt. Gen. Gutti, AMISOM Force Commander said:

“AMISOM has established a process to report such incidents; ensuring effective investigation of accidents, to make certain that appropriate measures are taken, guaranteeing the utmost safety for civilians.”

Countering ongoing reports, Maj. Emmanuel Bizimana was killed on 20th October 2011, during the Burundian contingent’s initial advance to Deynile.  Al Qaeda backed extremists Al Shabaab is on the back-foot and the dawn of relative peace in Mogadishu has enabled civilians to return to the city – rebuilding their homes and investing in the city. Recently, Liban Igal a Somali businessman opened First Somali Bank, the first bank to be established since the city fell into protracted conflict over twenty years ago.

Al Shabab’s press office on Tuesday publicized photos of Burundian officer, Emmanuel Bizimana whom they said was killed during an operation in Daynile district last Tuesday.

RBC Radio

Muqdisho (RBC) Wasiiru dawlahadastuurka ee xukuumadda KMG Soomaaliya Xasan Maxamed Jimcaale oo xalay faahfaahin ka bixiyey ergooyinkii maamulka Puntland uga qeybgalayey shirka oday dhaqameedyada Muqdisho ee shalay dib ugu laabtay magaalada Garowe ayaa beeniyey in ergada Puntland ay gebi ahaanba shirka isaga bexeen.

Wasiiru dawlaha ayaa sheegay in warbaahinta aysan ka run sheegin dadka baxay, wuxuuna ku adkeystay in saddex oday dhaqameed oo labo aysan ergooyinka rasmiga ka mid ahayn ay shalay u bexeen magaalada Garowe.

“Waxaa jira Suldaan Garaase oo dano shakhsiyadeed codsaday inuu Garowe ka soo laabto maadaama arimo isaga u gaar ah ay jiraan.  Labada nin ee kalana waxay ahaayeen rag u yimid qabanqaabinta shirka oo iyagu waxay ka socdeen xafiiska madaxweynaha Puntland mana aysan ahayn ergo” ayuu yiri Xasan Maxamed Jimcaale.

Wasiiru dawlaha ayaa sheegay inergada Puntland katimid ay dhamaayeen 17 ruux, waxa kaliya ee ka maqana uu yahay Suldaan Siciid Maxamed Garaase taasina an loo fasiri karin in ergada Puntland oo dhan shirka ka bexeen.

Mar la weydiiyey in shirka hadda ka socda Muqdisho ee loogu gogol xaarayo shirweynaha ansixinta dastuurka ee burburi karo haddii qar ka mid ah ka qeybgalayaasha ku saleysan qabiilka ay isaga baxaan,ayaa wasiiru dawlaha dastuurka wuxuu ku dooday inuusan shirku burburi doonin wixii caqabado ahna la xallin doono.

Hadalka wasiiru dawlaha ayaa yimid ka dib markii maalintii shalay magaalada Garowe ay ka degeen ergooyin ka mid ah kuwii kayimid Puntland ee ka qeygalayey shirka oday dhaqameedyada Muqdisho.  Arintaasoo ka dambeysay qoraal cabasho ah oo madaxweynaha Puntland uu ka soo saaray dastuurka qabyo qoraalka ee loo fadhiyo ansixintiisa.

RBC Radio
Xafiiska Wararka Muqdisho